Sobanukirwa ubuzima bw’intare ndetse n’akamaro k’umugara wayo

Intare ni inyamanswa ikunzwe kwitwa umwami w’ishyamba bitewe n’uko ikanganye kandi ihiga izindi nyamanswa ikazica. Ushobora kwibaza byinshi kuri iki gisimba byumwihariko ku mugara wacyo benshi batazi akamaro kawo.

Ubu bushakashatsi bwakozwe na Dr. Craig Packer yigisha muri kaminuza ya Minnesota mu ishami rya biological sciences mu kinyarwanda wabyita nk’ishami ryiga ku bumenyi bw’ibinyabuzima.

Intare y’ingabo igira ubwoya bwinshi buba buzengurutse ijosi ryayo bwitwa umugara, ingore yo ntigira umugara.

Uyu mugara intare iwifashisha igihe yaba irikurwana n’izindi nyamanswa, cyangwa irwana n’intare ngenzi zayo, nyinshi mu nyamanswa z’impigi, iyo zirwana, zirwana zifata ku ijosi ry’izindi nyamanswa.

Uyu mugara w’intare kuko uba ukomeye, iyo intare iri kurwana niwo ikoresha nk’uko abasirikare ba cyera bakoreshaga ingabo bicyingira amacumu n’imyambi, uyu mugara w’intare nawo urayicyingira igihe irwana n’izindi nyamanswa ikayirinda ko zayikomeretsa ku ijosi, kuko uyu mugara uba ukomeye.

Iyo intare igiranye imirwano n’izindi nyamanswa cyangwa indi ntare ngenzi yayo, zishwaraturana inzara zikanarumana ku mugongo cyangwa ku matako kuko nicyo gice kiba cyoroshye gisa nk’ikidafite ubwirinzi.

Mu bushakashatsi bwakozwe na Dr. Craig bwagaragaje ko intare zifite umugara w’umukara zikurura cyane intare z’ingore kuko ziba zibona zishyitse kandi zazibyarira abana bafite imbaraga.

Intare ikuze igira amenyo 30

Nibura ku munsi umwe, intare y’ingabo ishobora kurya ibiro 43 by’inyama ku munsi, mu gihe ingore ishobora kurya ibiro 25kg by’inyama ku munsi.

Iyo intare zihiga, intare y’ingabo ihiga inyamanswa nini nk’imbogo na twiga mu gihe ingore zikunda guhiga imparage n’izindi nyamanswa ziciye bugufi.

Intare y’ingore ifite ubushobozi bwo kubyara ibyana bibiri cyangwa bitatu, iyo ibi byana by’intare byujuje amezi 8 bihita bicuka.

Intare ni inyamanswa ziba mu miryango yitwa pride, nayita nk’amatware, iyo intare y’ingore ibyaye,mu byana yabyaye hakaba harimo ibigabo n’ibigore, ibi nakwita ibigabo bihita bisiga bashiki babyo bigahita bijya gushaka aho bikora wa muryango w’intare witwa pride, muri buri muryango usanga intare z’ingabo ari nkeya ndetse rimwe na rimwe harigihe zigirana imirwano hagati yazo inesheje indi ikaba ariyo isigara iyoboye umuryango, itsinzwe ikajya gushaka undi muryango aho ijya gushaka umugore bakabyarana abana bayo.

Iyo intare isanze iyi ngore ifite ibyana byayo irabyica kugirango isigare iyoboye umuryango ndetse izabyare ibyana byayo bihuje amaraso nayo, ibi byumvikanisha ukuntu intare ari inyamanswa iyoboresha igitugu cyane.

Kenshi intare z’ingabo usanga atari inshuti cyane nizo nakwita bashiki bazo, ahubwo usanga nyina naza nyirakuru ndetse na bashiki bazo aribo bakora ubucuti kandi ntibasigane, muri macye intare z’ingore nizo zikunda kugirana umubano mugihe ingabo zo iby’umubano uba usa nkutazireba, kuko ziba zarasize umuryango cyera cyane zifite amezi 8 gusa n’ubwo ziba zarasize umuryango zicyiri ntoya.

Intare ni inyamanswa ifite ubushobozi bwo kumenya abavandimwe bayo ikoresheje kwinukiriza kuko zifite ubushobozi bwo kwinukiriza no guhumurirwa kurusha twebwe abantu.

Nibura intare ntishobora gukora imibonano mpuzabitsina n’indi ntare ngenzi yayo itaruzuza imyaka ibiri. Izindi nyamanswa birashoboka cyane ko zishobora gukorana imibonano mu gihe cy’uburumbucye nizo zivukana gusa ku ntare biragoye kuko intare z’ingabo ziba zarataye umuryango zicyiri ntoya ku mezi umunani gusa aho zijya gukora amatware no gushinga imiryango yazo.

Intare y’ingabo ishobora kubaho igihe cyiri hagati y’imyaka 7-10 mu gihe ingore ibaho mu gihe cyiri hagati y’imyaka 13 na 15.

Intare ni inyamanswa igira urusaku ruryana cyane mu matwi, uru rusaku muyandi magambo rwitwa gutontoma, uru rusaku rushobora kumvikana ku ntera ingana na miles 8 (zingana n’ibirometero 12.8748 km….).

Intare ishobora gutontoma ku bw’impamvu nyinshi, ishobora gutontoma mu buryo bw’itumanaho aho iba imenyesha abagize umuryango wayo aho yagiye gushaka umuhigo kugirango baze gusangira nayo, uyu mutontomo cyangwa urusaku kandi ni rwo intare ikoresha iyo irwanye n’izindi nyamanswa ikabona ko igiye gutsindwa.

Nta nyamanswa nimwe yabasha kwihanganira uru rusaku kuko ruzimena amatwi zihita zihitamo kwirukanka zikayihunga. Nibura intare ikuze yo muri africa ipima ibiro bingana ni 190 kg mu gihe izo muri asia zipima ibiro bingana ni 160 kg.

Yanditswe na MUNYESHYAKA Berrick

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO