Sobanukirwa umunsi w’ilayidi abasilamu bizihije uyu munsi

Kuri uyu wa mbere tariki 2 Gicurasi 2022 abasilamu barizihiza umunsi wa Eid-Al-Fitr benshi bakunze kwita ilayidi, Ni umunsi w’ikiruhuko ndetse ni umunsi w’agaciro kenshi cyane ku basilamu bose.

Eid-Al-Fitr ni umunsi mukuru aho abasilamu bizihiza gusoza igisibo gitagatifu cy’ukwezi kwa Ramadhan.

Muri iki gisibo abasilamu bamara iminsi 30 yose aho baba bategetswe kwiyima ibinezeza umubiri byose ku manywa y’ukwezi kwa Ramadhan bakarushaho kwiyegereza Nyagasani.

Bimwe mu byo abasilamu baba babujijwe mu gisibo basoje uyu munsi ni ibi bikurikira:

- Buri musilamu aba abujijwe kunywa amazi cyangwa ikindi kinyobwa cyose ku manywa y’ukwezi gutagatifu kwa Ramadhan.

- Ntwabo uba wemerewe kurya amafunguro ayo ariyo yose ku manywa y’ukwezi kwa Ramadhan, kabone niyo yaba ari shikarete. (Icyo gihe umunsi wawe uba uwishe ntabwo Allah awufata nk’aho wasibye).

- Abashakanye ntibemerewe gukora imibonano mpuzabitsina ku manywa y’ukwezi gutagatifu kwa Ramadhan.

Mu kwezi gutagatifu kwa Ramadhan abasilamu baba bagomba kwiyegereza nyagasani bakongera umubare w’inshuro basoma Qoran n’inshuro basenga.

Ni ukwezi kw’impuhwe aho abasaba nyagasani abumva cyane kurusha andi mezi, bityo bakagirwa inama yo gukora ubusabe bwinshi no kurushaho kumwiyegereza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO