Social Mula yibarutse umwana wa kabiri

Mugwaneza Lambert wamamaye mu muziki nka Social Mula n’umugore we, Uwase Nailla bibarutse umwana wa kabiri w’umukobwa.

Umugore wa Social Mula yabyariye mu bitaro bya Kacyiru ku mugoroba wo kuri uyu wa 2 Nzeri 2020, babyaye umwana w’umukobwa.

Uyu muhanzi yabinyujije kuri Status ya Whatsapp ye abanza kwandika I taliki ya 2/9/2020 ubundi arenzaho umutima ndetse n’ijambo ryo gushima Imana.

Aganira na Genesis TV yavuze ko aribyo koko bibarutse ubuheta.

Ati “Twibarutse. Umugore wanjye yabyariye mu bitaro bya Polisi ku Kacyiru. Yabyaye neza nta kibazo afite. Ni ibyishimo bikomeye kuri njye n’umuryango wanjye.”

Uwase Nailla ni nawe babyaranye imfura y’uyu muhanzi y’umuhungu yise Mugwaneza Brayden Owen.

Urukundo rwa Social Mula na Uwase Nailla rwatangiye bombi biga mu mashuri yisumbuye. Social Mula yarihanganye ategereza uyu mukobwa ngo arangize amashuri ye kugeza ubwo babyaranye, ubu bakaba babana nk’umugore n’umugabo mu karere ka Kicukiro.

Uyu muhanzi ukunzwe mu Rwanda hari n’indirimbo yakoresheje uyu mugore we mu mashusho yayo amubwira ko ariwe mahitamo ye.


Social Mula n’umugore we Nailla bibarutse umukobwa

Indirimbo ye "Amahitamo" yakoresheje umugore we muri Video

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO