Sonia Rolland azaherekeza Perezida w’Ubufaransa mu rugendo azagirira I Kigali

Miss France 2000 Uwitonze Sonia Rolland ufite inkomo mu Rwanda ari mu bantu bazaherekeza Perezida w’Ubufaransa Emmanuel Macron mu rugendo azagirira mu Rwanda mu minsi iri imbere.

Nyuma yaho Perezida w’u Rwanda Paul Kagame asuriye igihugu cy’Ubufaransa na Macron yatangaje ko azagirira uruzinduko rw’iminsi ibiri mu Rwanda ruzatangira ku wa 27 Gicurasi rukarangira ku wa 28 Gicurasi 2021.

Amakuru dukesha ikinyamakuru ‘Le Journal du Dimanche’ avuga ko Sonia Rolland ukomoka kuri se w’Umufaransa na nyina w’Umunyarwanda azaba ari mu itsinda ry’abantu bazaherekeza Perezida Macron.

Emmanuel Macron yahisemo Sonia Rolland mu bantu bazamuherekeza bitewe n’amateka y’ibihugu byombi nk’umuntu wavukiye mu Rwanda akanahaba mu bwana bwe kugeza umuryango we wimukiye mu Bufaransa ndetse kuri ubu akaba afite umuryango ufasha impfubyi za Jenoside yakorewe Abatutsi mu Rwanda.

Muri urwo ruzinduko biteganyijwe ko bazasura Urwibutso rwa Jenoside rwa Kigali ku Gisozi ndetse nyuma Macron akazafungura Centre Culturel Francophone iherereye mu Mujyi wa Kigali.

Sonia Rolland afite umuryango ufasha impfubyi za Jenoside yakorewe Abatutsi mu Rwanda

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO