Sonia Rolland yasabye Abanyarwanda kureba Filime mbarankuru yise Rwanda Du Chaos au miracle

Uwitonze Sonia Rolland wamenyekanye ubwo yabaga Nyampinga w’u Bufaransa mu 2000. Muri iki gihe Abanyarwanda bibuka Jenoside yakorewe Abatutsi mu 1994, nawe yifatanyije nabo abasaba kureba filime mbara nkuru yakoze ku Rwanda yise Du Chaos au miracle.

Mu butumwa uyu mugore umaze kumenyekana cyane muri Sinema mu gihugu cy’Ubufaransa yanditse agira ati “Tugendeye kuri ibi bihe byo kwibuka Jenoside yakorewe Abatutsi mu Rwanda mu 1994, mbatumiye kureba filime yanjye mbarankuru ‘Rwanda Du Chaos au miracle’.”

Iyi filime si ubwa mbere abanyarwanda baba bayirebye kuko yayerekanye bwa Mbere mu Rwanda mu mwaka wa 2017.

Iyi filime irimo amateka menshi ku Rwanda kuko ubwo yayikoraga afatanyije n’umugabo utunganya filime Patrick Hernandez ari nawe wafashe amafoto aho batembereye u Rwanda mu bice byinshi cyane ndetse bakanifashisha bamwe mu bayobozi bakomeye ba hano mu gihugu mu Rwego rwo kugira ngo azerekane ishusho nyayo y’u Rwanda kuva ku ngoma y’abami kugeza ubu.

Uretse abo bayobozi kandi Sonia Rolland yifashishije abandi bantu bafite amateka menshi ku Rwanda ndetse n’abanditsi batandukanye bagiye bandika ibitabo ku Rwanda .

Ubwo Sonia Rolland yamurikaga iyo filime muri cinema Century yavuze ko yayikoze nk’impano ku banyarwanda bose.


Sonia Rolland asanzwe aza mu Rwanda mu bikorwa byo gufasha

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO