South India:Biratangaje aho abageni bagiye gusezerana umwe yambaye umwambaro wa Messi undi yambaye uwa Mbappe

Mu majyepfo y’Ubuhinde haravugwa inkuru itangaje cyane aho abageni babiri inkumi n’umusore bahisemo kumvikana maze bakajya mu bukwe umwe yambaye umupira wa Lionel Messi undi akambara umupira wa Kylian Mbappe.

Aba bageni bombi bakomoka mu gace kitwa Kerala ndetse bari barumvikanye ko buri umwe azambara umwambaro w’umukinnyi akunda ndetse ibirori byabo byahuriranye n’umunsi wakiniweho umukino wa nyuma w’igikombe cy’Isi aho Argentine yatwaye igikombe nyuma yo gutsinda u Bufaransa kuri Penaliti 4-2.

Umusore witwa Sachin yari umufana ukomeye cyane wa Messi naho umugeni we witwa Athira akaba yari umufana ukomeye cyane w’ikipe y’igihugu y’u Bufaransa aho by’umwihariko yakundaga Kylian Mbappe.

Icyakora aba bombi bakoze ubukwe mbere y’amasaha 4 kugirango umukino utangire ndetse nyuma yo gukora ubukwe bahise bambara imyenda aho buri umwe yambaye umwambaro w’umukinnyi yihebeye.

Ikinyamakuru cyandikirwa mu Buhinde cyitwa Malayala Manorama cyatangaje ko ubwo aba bageni barangizaga umuhango wo gusezerana ngo bahise berekeza aho bagombaga kurebera uyu mukino nk’uko bari babyumvikanye maze buri umwe ashyigikira ikipe afana mu myambaro y’umukinnhyi akunda.

Mu buhinde abageni bahisemo kwambara imipira igaragaza abakinnyi bakunda umwe yambara uwa Messi undi yambara uwa Kylian Mbappe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.