Sri Lanka:Byadogeye noneho Perezida w’iki gihugu yahisemo kwifashisha indege ya gisirikare aranduruka

Bwana Gotabaya Rajapaksa perezida w’igihugu cya Sri Lanka yamaze kuyabangira ingata arahunga aho yakoresheje indege ya gisirikare agahunga iki gihugu ndetse intandaro y’ibi byose ni ikibazo cy’izamuka ry’ibiciro muri iki gihugu aho abaturage bariye karungu bakaba bakomeje imyigaragambyo.

Inkuru yamaze kuba kimomo iravuga ko uyu mugabo yamaze guhungira muri Maldives aho ngo yajyanye n’umugore we bakifashisha indege ya gisirikare hamwe n’abarinzi be bagera kuri babiri.

Inkuru ya BBC ihamya ko uyu musaza w’imyaka 73 yamaze gusesekara muri iki gihugu cya Maldives.

Magingo aya guhunga k’uyu musaza bisa n’ibirimo kumusiga icyasha ku bibazo byugarije iki gihugu ndetse abenshi mu mpuguke mpuzamahanga bakomeje kwemeza ko guhunga bisa n’aho bishyize iherezo ku butegetsi bwe.

Magingo aya harakibazwa ikigiye gukurikiraho nyuma yo kugabwaho igitero n’abaturage mu myigaragambyo ikomeye bakoreye mu ngoro ye kuri uyu wa gatandatu aho bakomeje gusaba ko yakwegura akava ku butegetsi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO