Sri Lanka:Umuturage umwe yamaze gushiramo umwuka abandi bakomerekera mu myigaragambyo

Umuntu umwe yitabye Imana abandi basaga 84 barakomerekera mu myigaragambyo nk’uko abayobozi b’ibitaro byo mu mujyi wa Colombo muri Sri Lanka babitangaje.

Abayobozi b’ibitaro mu mujyi wa Colombo muri Sri Lanka bemeje ko abaturage bagera kuri 84 bakomerekeye mu myigaragambyo yabaye ku munsi w’ejo aho barimo kwamagana ubutegetsi bw’iki gihugu ndetse umuntu umwe aza kwitaba Imana.

Umusore w’imyaka 26,niwe byatangajwe ko yapfiriye muri iyi myigaragambyo ndetse yagejejwe kwa muganga ahumeka insigane bituma yitaba Imana.

Magingo aya Minisitiri w’intebe niwe ufite inshingano nk’iz’umukuru w’igihugu ndetse abaturage batewe ibyuka biryana mu maso ubwo bageragezaga kwinjira mu biro bye.

Bwana Gotabaya Rajapaksa wari umukuru w’iki gihugu we yamaze guhunga ndetse yahunganye n’umuryango we berekeza mu birwa bya Maldives.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO