Exclusive: Steve Rubanguka ukina mu Bubiligi, yavuze ko agomba gukinira u Rwanda.

Umukinnyi w’umunyarwanda ukina mu gihugu cy’u Bubirigi mu cyiciro cya 3 Rubanguka, yafashije abafana b’amakipe atandukanye ya hamo mu Rwanda, abaha ibiribwa byo kwifashisha muri ibi bihe u Rwanda rwugarijwe n’icyorezo cyaCOVID-19.

Rubanguka Steve akina mu Bubiligi mu cyiciro cya Gatatu mu ikipe ya K. Rupel Boom Fc. Uyu musore yafashije abafana barimo Rujugiro usanzwe ufana ikipe ya APR FC, Rwarutabura ndetse n’abandi bakunzi b’umupira w’amaguru mu Rwanda batamerewe neza kubera icyorezo cya coronavirus cyatumye baguma mu rugo.

Steve Rubanguka yabwiye Genesisbizz ko ari igikorwa yatekereje kugikora kuko n’ubundi asanzwe akunda gufasha no mu buzima busanzwe, yongeraho ko Rujugiro (Umufana wa Apr) ari mu bantu batumye yibanda cyane ku bakunzi b’umupira w’Amaguru mu Rwanda.


Yagize ati: "Njyewe mu busanzwe nkunda gufasha abantu na hano mu Bubiligi biranshinisha cyane kandi mbiboneramo umugisha. Murabizi ibihe turimo biragoranye cyane, narimfite igitekerezo cyo gufasha ndi kuvugana na Rujugiro kuri WhasApp mpita ngira icyo gitekerezo cyo gufasha, mpita ntekereza gufasha abafana."

"Ndi umukinnyi w’umupira w’amaguru kandi icya mbere nkunda ni abafana, kuko baradufasha cyane mpita numva gufasha abafana ari ikintu kiza cyane."

Uyu musore avuga ko yabwiye Rujuguro icyo gitekerezo acyakira neza ndetse anagerageza gushaka abandi bahuye n’ingaruka z’iki cyorezo kugira ngo bahabwe inkunga.

Ati: "Nabajije Rujugiro ko yabimfashamo nawe yumva ari byiza dutangira kubivuganaho gutyo kubera ko narinziko Rujugiro azi abafana bamwe na bamwe bijya mu bikorwa nuko nabafashije.

Steve Rubanguka yavuye mu Rwanda yerekeza mu Bubiligi afite imyaka 8 y’amavuko, icyo gihe byari mu 2005. Uyu musore ninabwo yahise atangira gukina umupira w’Amaguru.

Steve yatangiye gukina mu buryo bw’Ubunyamwuga afite imyaka 19 hari mu 2016, icyo gihe yahise asinya mu ikipe yo mu cyiciro cya gatatu.


Rubanguka ubwo yahamagarwaga mu Amavubi
Mu 2018, Mashami Vincent ubwo yari umutoza w’Amavubi yahamagaye uyu musore, ubwo u Rwanda rwiteguraga gukina na Centre African mu mikino yo gushaka itike y’igikombe cy’Afurika. Icyo gihe uyu musore yagaragaye mu bakinnyi 18 ariko ntiyagira amahirwe yo gukina uwo mukino.

Steve Rubanguka yabwiye Genesisbizz ko agomba gukinira Amavubi uko byagenda kose ngo kuko abishaka kandi anabikwiriye. Ati: "Ndi umukinnyi wifuza kuzafasha kandi nkanakinira ikipe y’igihugu Amavubi. Urumva nyine ngomba si no kuvuga ngo ndifuza ahubwo ngomba kuzamuka nkazayikinira."

Kuri ubu uyu musore ari kubarizwa mu ikipe yitwa K.Rupel Boom Fc yo mu kiciro cya gatatu aho shampiyona yahagaze iri ku mwanya wa 7.

Nta gihindutse, uyu musore uri kwifuzwa n’amakipe atandukanye, nyuma ya Covid-19 azajya mu Bwongeleza gukora igeragezwa mu makipe amwifuza yo mu kiciro cya kabiri ndetse n’icya gatatu.

Amakipe yanyuzemo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO