Sudan:Gufungira Omar-Al- Bashir mu bitaro bikomeje guteza impagarara

Nyuma y’amashusho yagiye hanze y’uwahoze ari Perezida wa Sudan Omar Al Bashir ari mu bitaro nyuma yo kuhazanwa avanywe muri gereza ubu bikomeje guteza imidugararo.

Omar Al Bashir amaze imyaka isaga itatu afunzwe nyuma yo guhirikwa ku butegetsi gusa muri iki cyumweru amashusho yashyizwe hanze agaragaza Bashir arimo gutembera mu bitaro aganira n’abandi barwayi ni nyuma yo kumuzana muri ibi bitaro avanywe muri gereza.

Uyu mugabo akurikiranweho ibyaha bihambaye ,birimo kurya ruswa hamwe no kutubahiriza uburenganzira bw’ikiremwa muntu ,aho ashinjwa guhonyora uburenganzira bw’ikiremwa muntu.

Abanyamategeko ba Omar Al Bashir bavuga ko uwo bunganira mu mategeko, yimuriwe muri ibi bitaro kubera ubuzima yari abayemo muri gereza butari bumeze neza.

Abdelrahman ,wunganira Bashir avuga ko urukiko rwemeje ko Bashir yimurirwa muri ibi bitaro kuko ubuzima bwe butameze neza muri iyi minsi.

Hari benshi bakomeje kugirira impuhwe Bashir, bamwifuriza kumererwa neza nyamara kurundi ruhande hari n’abavuga ko Bashir abayeho ahubwo ubuzima bwiza budakwiriye umunyabyaha nkawe.

Kuri ubu Sudan iyobowe n’abasirikare bahiritse Bashir ku butegetsi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO