T-Rock yakoze indirimbo ivuga ku nkuru mpamo y’umuturanyi we wavukanye ubumuga bwo kutabona

Umuhanzi Giraye Jean wamenyekanye ku izina rya T-Rock, yashyize hanze indirimbo yitwa ’Itara’ ivuga ku nkuru mpamo y’umuturanyi we wavukanye ubumuga bwo kutabona.

Uyu muhanzi wagiye gutura muri Sweden yamenyekanye cyane mu ndirimbo nka Mu mutwe, Nimba Padiri n’izindi.

Hari haciyemo igihe uyu muhanzi adakora umuziki bitewe n’amasomo dore ko ari nacyo cyamujyanye bituma ava mu Rwanda.

Aganira na Genesisbizz yavuze ko nyuma y’igihe kinini batamubona yagarutse kandi ko azanye imbaraga nyinshi ku buryo batazongera kumubura.

Agarukanye indirimbo nshya yise ’Itara’ avuga ko yayikoze yishyira mu mwanya w’umuntu utarigeze agira amahirwe yo kugira ikintu na kimwe abona kw’isi kubera indwara y’ubumuga bwo kutabona yavukanye .

Yakomeje atubwira ko iyi ndirimbo yayikoze nyuma yo gutekereza ku bantu bafite ikibazo cy’ubumuga bwo kutabona ndetse n’abugarijwe n’izindi ndwara zitandukanye bakeneye umucyo wo kubona .

T Rock yashimangiye ko yibutse ko mu bwana bwe yaturanye n’umuntu wari ufite ubumuga bwo kutabona bigatuma amukunda cyane kubera umutima mwiza yagiraga.

Ati "Ubwo ninjiraga mu bijyanye n’ubuhanzi nishyizemo ko uko byagenda kose nzakora indirimbo ku buzima bwe nkaba nshimira Imana ko mbanshije gukora Itara ivuga kubafte ubumuga bwo kutabona."

Yasoje yizeza abakunzi be ko ubu nta kibazo cy’irungu, ubwo asoje amasomo agiye kubaha indirimbo nyinshi kandi nziza akaba abasaba ko bakomeza kumutera ingabo mu bitugu kuko aribo akorera .


Umuhanzi T-Rock avuga ko agarukanye imbaraga

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO