Hakozwe tombora y’uburyo amakipe azacakirana mu irushanwa rya Champions League

Iyi tombora igaragaza uko amakipe azesurana muri kimwe cya kane imaze gukorwa aho amakipe amwe n’amwe agiye kwasa ikibonobono bijyanye nuko tombora yakozwe gusa umukino w’ishiraniro ni ugomba guhuza Ikipe ya Real Madrid na Chelsea.

Ku gicamunsi cyo kuri uyu wa gatanu nibwo hasohotse tombora y’uburyo amakipe agomba kwesurana mu irushanwa rihuza amakipe yabaye aya mbere i wayo rizwi nka ’’Champions League’’ haba muri kimwe cya kane ndetse kimwe cya kabiri muri iri rushanwa, gusa ikipe ya Chelsea yahuye n’uruvagusenya nyuma yo gutombora ikipe ya Real Madrid ifite iki gikombe inshuro nyinshi.

Dore uko amakipe agomba gucakirana muri iri rushanwa muri 1/4

.Chelsea VS Real Madrid
.Manchester City VS Atletico Madrid
.Villareal VS Bayern Munich
.Liverpool VS Benifica Lisbon

Uko amakipe azahura muri 1/2

Ikipe izava hagati ya Man City /Atletico izahura n’izava hagati ya Chelsea/Real Madrid
ikipe izava hagati ya Benifica Lesbon/Liverpool izahura n’izava hagati ya Villareal/Bayern Munich.

Imikino ibanza ya 1/4 izakinwa hagati y’itariki yo kuwa 05 no kuwa 06 Mata naho imikino yo kwishyura ikinwe hagati y’itariki yo kuwa 12 no kuwa 13 Mata.

Imikino ibanza ya 1/2 izakinwa hagati y’itariki yo kuwa 27 n’itariki yo kuwa 28 Mata naho imikino yo kwishyura yo izakinwa hagati y’itariki yo kuwa 03 ndetse n’itariki yo kuwa 04 Gicurasi 2022.

Umukino wa nyuma karundura ugomba kuzakinwa kuwa 28 Gicurasi 2022 ubere kuri Stade de France iherereye mu murwa mukuru w’igihugu cy’Ubufaransa Paris.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO