Ikipe ya Manchester City ku gitutu nyuma yo kunanirwa gutsinda Cristal Palace

Ikipe ya Manchester City ubu ifite igitutu gikomeye cyane irimo gushyirwaho na Liverpool, ibi bije nyuma y’uko iyi kipe yananiwe gutsinda umukino wayo muri shampiyona mu ijoro ryacyeye aho yahagamwe n’ikipe ya Cristal Palace umukino ukarangira amakipe yombi anganyije 0-0.

Kuri ubu ikipe ya Manchester City irarusha ikipe ya Liverpool amanota 4 gusa mu gihe Liverpool igifite umukino w’ikirarane ugomba kuyihuza n’ikipe ya Arsenal mu ijoro ryo kuri uyu wa gatatu.

Ibi byatumye umutoza Pep Guardiola atishimira uburyo abakinnyi be bitwaye muri uyu mukino dore ko we yatangaje ko byahaye icyuho uwo bahanganiye iki gikombe cya shampiyona y’Ubwongereza.

Ikipe ya Manchester City yitwaye neza mu gice cya mbere aho yahushije uburyo bwinshi bwari bwabazwe ariko ntibabasha kububyaza umusaruro, kuri ubu ikipe ya Liverpool nitsinda umukino wayo iraza gusigara inyuma inota rimwe gusa iraza kuba irushwa n’ikipe ya Manchester City.

Kuri ubu ikipe ya Liverpool iramutse itsinze umukino wayo ugomba kuyihuza n’ikipe ya Arsenal harasigaramo ikinyuranyo cy’inota rimwe gusa hagati y’amakipe yombi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO