Teta Diana ari gutegura umushinga azahurizamo abahanzikazi bo mu Rwanda n’abo muri Suwede

Umuhanzikazi Teta Diana usanzwe ukorera umuziki we ku mugabane w’iburayi mu gihugu cya Suwede ari mu Rwanda aho yaje gushyira mu bikorwa umushinga afite uzahuriza hamwe abahanzi bo mu Rwanda nabo muri Suwede .

Uyu mukobwa ukunzwe cyane hano mu Rwanda mu njyana ya Gakondo yamenyekanye cyane mu ndirimbo nk’Umugwegwe ,Agashinge n’izindi nyinshi zikubiye kuri EP ye aherutse gushyira hanze .

Teta mu kiganiro yagiranye na Genesisbizz yadutangarije ko n’ubwo atigeze ashaka kibitangaza amaze igihe kirenga ukwezi mu Rwanda aho yaje akabanza gusura umuryango we akanabifatanya no gutegura umushinga we.

Yagize ati: "Urabizi ko buri mezi atandatu mba ngomba kuza gusura umuryango wanjye gusa kuri iyi nshuro naje mfite umushinga nateguye uzahuzariza hamwe abahanzi nyarwanda by’umwihariko abahanzikazi bo mu Rwanda n’abo muri Suwede".

Yakomeje atubwira ko n’ubwo atari umushinga ujyanye no gukora indirimbo, ngo ni umushinga ufitiye abahanzi bose nyarwanda inyungu kandi uzagira aho uhurira na muzika .

Teta aheruka mu Rwanda umwaka ushize muri Nyakanga ubwo yari yaje mu bikorwa byo kwamama EP ye yise Umugwegwe ikubiyeho indirimbo nk’Umugwegwe ari nayo yayitiriye ,Uzaze, Agashinge ndetse n’undi Munsi .

Teta Diana amaze imyaka umunani akorera umuziki we ku mugabane w’Iburayi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO