Teta Diana yatangiye gusogongeza abo muri Suede kuri EP ye

Umuhanzikazi Teta Diana ukunzwe mu njyana gakondo akaba akorera n’umuziki ku mugabane w’iburayi muri Suede yatangiye ibitaramo byo gusogongeza abakunzi be kuri E.P aheruka gusohora.

Uyu muhanzikazi yatangaje ko ateganya kuzakora ibitaramo bigera kuri 17 mu duce dutandukanye two ku mugabane w’Iburayi.

Ku munsi we w’igitaramo cya kabiri yataramiye mu mugi wa Limhamn, aho yaririmbiye abitabiriye zimwe mu ndirimbo ziri kuri EP aherutse gushyira hanze ubwo yari akubutse mu biruhuko mu Rwanda.

EP ya Teta Diana igizwe n’indirimbo enye, "Umugwegwe, Uzaze, Agashinge, Undi munsi."
Mu gitaramo yakoreye mu mujyi wa Limhamn yari kumwe n’itsinda ry’abacuranzi be n ’umugabo ukunze kumufasha cyane witwa Gabriel Hermansson.

Teta Diana ubwo yatangazaga ko agiye gukora ibyo bitaramo yavuze ko ari byiza cyane kuko bimuha amahirwe yo kumenyekanisha umuco nyarwanda ndetse bikanatuma abona umwanya wo kuganiriza abanyeshuri ku muco nyarwanda.

Nyuma y’igitaramo cya Limhamn yashyize ubutumwa kuri Instagram. Ati”abantu ba Limhamn nishimye cyane nyuma y’urukundo mwanyeretse ,ndabakunda kandi mbijeje ko nzagaruka tugatarama."

Biteganyijwe ko ikindi gitaramo azagikorera mu mujyi wa Svarte.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO