The Ben ategerejwe mu gitaramo I Kampala afata nko mu rugo

Umuhanzi Mugisha Benjamin abenshi bazi ku izina rya The Ben yatumiwe mu gitaramo gikomeye muri Uganda.


Ibi bije nyuma y’aho uyu musore The Ben mu minsi yashize yasohoye indirimbo yaciye ibintu muri East Africa yose aho ari indirimbo yakoranye n’umuhanzi w’icyogere mu gihugu cya Tanzania ariwe Diamond Platnumz ndetse iyi ndirimbo bayise "Why".


Iyi ndirimbo Why yarakunzwe cyane mu gihugu cya Tanzania ndetse ibi byatumye uyu musore atumirwa mu gitaramo kigomba kubera I Kampala mu gihugu cya Uganda.

The Ben yatangarije abakunzi be batuye mu mujyi wa Kampala ko agomba kubataramira kuwa 03 Kamena 2022.

Uyu muhanzi The Ben yakiriwe n’umuhanzi DJ Spinny uri mu bakomeye i Kampala.

Iki gitaramo giteganijwe kubera mu mujyi wa Kampala ndetse uyu muhanzi yari akumbuwe cyane muri uyu mujyi dore ko atahaherukaga.

Umuhanzi Mugisha Benjamin uzwi nka The Ben akorera umuziki we muri Leta zunze ubumwe za Amerika aho amaze igihe kinini dore ko yagendeye rimwe na Ngabo Medard uzwi nka "Meddy".

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO