The Ben na Melodie bahatanye n’abarimo Diamond, Ali Kiba muri African Entertainment Awards USA

Abahanzi baba Nyarwanda barimo The Ben, Melodie, Israel Mbonyi na Gahongayire ni bamwe mu bahataniye ibihembo muri “African Entertainment Awards USA 2020” [AEAUSA]. Aho bari mu byiciro n’abandi bahanzi bakomeye muri Afurika.

African Entertainment Awards ni igikorwa gihemba abahanzi bakomoka muri Afurika baba barakoze neza buri mwaka gusa bakabigabanya mu byiciro bigera kuri 30 bitandukanye.

Abahanzi Nyarwanda nabo ni bamwe mu bagirirwa icyizere bitewe nibyo bakoze bagahatanira ibihembo mu byiciro biba bitandukanye.

Mu cyiciro cy’umuhanzi mwiza w’umugabo ariko ukomoka muri Afurika y’Iburasirazuba niyo hagati harimo “The Ben na Bruce Melodie” bahatanye n’abandi barimo - Diamond Platnumz, Rayvanny, Elgrande toto, Harmonize, Ali Kiba, Eddy Kenzo, Teddy Afro na Jah Prayzah.

“Israel Mbonyi na Aline Gahongayire” bo bahatanye mu cyiciro cy’umuhanzi mwiza mu bakora indirimbo zo kuramya no guhimbaza Imana. Abandi bahatanye harimo – Sinach, Levixone, Dena Mwana, Nathaniel Bassey, Gloria Muliro, Joe Mettle, Winnie Mashaba na Glowreeyaah Braimah.

Undi mu Nyarwanda uhatanye ni Umunyamakuru David Bayingana mu cyiciro cy’umuntu ukoresha imbuga nkoranyambaga neza.

Ibihembo bya African Enterntainment Awards byatangiye gutangwa muri 2015, bikabera I New Jersey muri Leta Zunze Ubumwe za Amerika. Iby’uyu mwaka bizatangwa ku wa 12 Ukuboza 2020.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO