The Mane nyuma yo gufasha abahanzi yinjiye no mu rwenya

Inzu ifasha abahanzi ya The Mane music Label yateguye amarushanwa y’urwenya n’umuziki bise ‘Bad Rama talent Detection’ aho uzayatsinda bazamufasha mu bikorwa bitandukanye no kuzamura impano ye.

The Mane ni imwe mu nzu zifasha abahanzi mu Rwanda zimaze kubaka izina bitewe n’abahanzi bafasha hamwe n’ibindi bikorwa byo guteza imbere umuziki.

Ubu bafasha abahanzi batatu aribo “Queen Cha, Marina na Mbanda Calvin.”

Mu rwego rwo gukomeza guteza imbere umuziki Nyarwanda bateguye amarushanwa y’Abanyempano mu njyana ya Rap (Hip Hop) hamwe n’urwenya (Comedy).

Gahunzire Aristide umuyobozi wa The Mane aganira na Genesisbizz yavuze ko impamvu bayise ‘Bad Rama talent detection’ ari uko ariwe wazanye icyo gitekerezo nka nyiri ugushinga The Mane.

Avuga ko ayo marushanwa ku babyifuza kwiyandikisha bitangira uyu munsi taliki ya 29 Mutarama 2020. Abiyandikisha bazajya bajya aho inzu ya The Mane ikorera mu Kagarama, Kicukiro.

Muri iri rushanwa ngo hazafatwa umuntu umwe muri buri kiciro. Uzatsinda muri HipHop azahembwa gukorerwa Album y’indirimbo umunani harimo ebyiri z’amashusho.

Uzatsinda mu bijyanye n’urwenya (Comedy) we azasinyishwa igihe kingana n’umwaka afashwa na The Mane.
The mane isanzwe imenyerewe mu muziki ngo imamvu baje no bijyanye n’urwenya ni uko biri gutera imbere kandi birimo n’amafaranga.

Ati “Comedy nayo iri gutera imbere naho rero tugomba kuhajya kuko n’abantu bari ku hakunda tuba mu muziki ariko dukore Business, tugomba kuyifasha nayo kuko ishamikiye mu myidagaduro.”

Mubyo bazamufasha harimo kumumenyekanisha ari nako bamushakira ibiraka binyuranye byazatuma nawe azamuka akagera ku rwego rushimishije.

Ati “Uzatsinda ku muziki nubwo azahembwa gukorerwa Album hari n’igihe twamusinyisha bihoraho bitewe nuko azitwara mbese azaba ameze nkuri mu igeragezwa.”

Iri rushanwa rigabanyijwe mu minsi ine, abazarushanwa bwa mbere ni taliki ya 8 Gashyantare 2020, andi mataliki ni ku 9, 15 naho irushanwa risozwe kuri 16 Gashyantare 2020.


The Mane izafasha abazatsinda muri aya marushanwa bateguye

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO