Thomas Tuchel yavuze akari ku mutima we nyuma yo kwirukanwa muri Chelsea

Mu minsi ishize ikipe ya Chelsea yasezereye umutoza wayo ariwe Thomas Tuchel kubera umusaruro muke gusa kera kabaye uyu mutoza nawe yaje kubohoka maze agaragaza agahinda gakomeye yatewe no kwirukanwa kandi yarahesheje iyi kipe Champions League.

Ubusanzwe Thomas Tuchel ni umutoza ukomoka mu gihugu cy’Ubudage ndetse yahishuye ko yirukanwe atabyiteguye birenze uko yabitekerezaga aho avuga ko yari yaragaragaje ubushobozi bwe agahesha ikipe ya Chelsea Champions League.

Tuchel w’imyaka 49, yirukanwe mu gitondo cyo kuwa gatatu w’icyumweru gishize, nyuma y’amasaha make ikipe ye itsinzwe na Dinamo Zagreb igitego 1-0 muri Champions League.

Bivugwa ko Thomas Tuchel hamwe n’abungiriza be ngo basabye amahirwe ya kabiri ariko bikarangira umuherwe wa Chelsea mushya abima amahirwe ya kabiri.

Tuchel nyuma yo kwirukanwa yagize ati"Ubu ni bumwe mu butumwa bukomeye kurusha ubundi bwose nigeze kwandika,kandi ni bumwe mu bwo ntari nkeneye kwandika mu myaka myinshi.

Uyu mutoza yakomeje ahamya ko kuba yaragize uruhare rukomeye mu mateka ya Chelsea ngo ari ibintu bimunezeza cyane ndetse avuga ko hari ibintu byinshi afata nk’urwibutso mu gihe cy’amezi 18 yqari ahamaze.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO