Tidjala Kabendera akurikiranywe na RIB azira gusebanya

Umunyakuru Tidjala Kabendera wamenyekanye mu myaka yashize akora kuri RBA ubu akaba akorera Vision Fm akurikiranywe n’urwego rw’igihugu rw’ubugenzacyaha RIB ashinjwa gusebanya akoresheje imbuga nkoranyambaga .

Ibi byatangajwe n’umuvugizi wa RIB Dr Murangira B Thierry ko uyu munyamakuru akaba asigaye anakora akazi k’ubucuruzi hano mu mujyi wa Kigali akurikiranyweho icyaha cyo gusebya uwahoze ari umukozi we.

Tidjala mu butumwa yanyujije ku rukuta rwe rwa Instagram yagize ati “Bakiliya ba TK Cosmetics, mbamenyeshe ko umukobwa mwari mumaze iminsi musanga kwa TK Shop ubu atagihari kubera impamvu nyinshi zirimo ko atabaye inyangamugayo mu kazi.”

Yakomeje agira ati “Ku bw’ibyo abafite numero ye bari kumuhamagaraakabasaba ko bamwishyura murabyirengera.”

Kabendera yahise kandi anashyiraho nimero za telefoni z’uyu mugore ndetse avuga ko ariyo yajyaga aha abakiliya bityo abasaba kutazongera kuyinyuraho bashaka serivisi zitangirwa muri TK Shop, ahita ashyiraho izindi bazajya bifashisha.

Uretse kuri Instagram ya Kabendera kandi amatangazo nk’aya yanyujijwe ku mbuga nkoranyambaga zirimo Instagram ya Kasuku Media ndetse Kabendera yaje no kumvikana kuri Yago TV Show abisobanura.

Uwo mugore nyuma yo kubona ibyavuzwe na Kabendera yahise yitabaza RIB ndetse uru rwego rwakiriye icyo kirego.

Dr Murangira yagize ati “NIbyo koko twakiriye ikirego cy’uwahoze akorera Tidjala Kabendera mw’iduka rye ko yamusebeje ifashishije imbuga nkoranyambaga."

Uyu mukozi yavuze ko nyuma yo gusezera ku kazi yakoreraga Tidjala , yagiye kubona nyirabuja agiye ku mbuga nkoranyambaga atangira kumusebya.

Kugeza ubu Tidjala Kabendera nta kintu arashaka kugira icyo atangaza kuri ibyo byaha ashinjwa .

Genesisbizz

Related Articles

Ibitekerezo

  • - Yezu ni muzima!

    Ark narumiwe koko hhhh ubu se umuntu ntacyemerewe kwiyirukanira umukozi igihe akoseje ngo atazaregwa muri RIB weee!uriya mukobwa cyakora RIB nitamufunga ngo abazwe impanvu ari gusebya TK biriya bureau bizahita bifunga rwose kuko nta musaruro bizaba biri gutanga peee!

Igitekerezo cyawe kirashyirwaho aruko gisusumwe

TANGA IGITEKEREZO