Tiger Woods nyuma yo kurokoka impanuka yashimiye abamusengeye

Umunyabigwi mu mukino wa Golf Tiger Woods ufatwa nk’umwe mu nkingi za mwamba muri uyu mukino nyuma y’icyumweru kimwe akoze impanuka yari imutwaye ubuzima yashimiye abantu bose bamubaye hafi muri icyo gihe kitari kimworoheye amazemo iminsi.

Ku itariki ya 27 Gashyantare 2021 mu masaha ya mugitondo nibwo uyu mugabo ukunzwe cyane mu mukino wa Golf nibwo yakoze impanuka ubwo yari mu muhanda akaza kurenga umuhanda imodoka ye ikibirindura munsi y’Umuhanda impanuka yatumye akomereka ku maguru bikamuviramo kubagwa.

Ubwo yakoraga iyo mpanuka bamwe mu byamamare ndetse n’abayobozi batandukanye barimo abahoze ari abapezida ba Leta zunze ubumwe z’Amerika, Barack Obama na Donald Trump baramwihanganishije bamusabira ko yakira vuba akagaruka mu kibuga .

Abinyujije ku rubuga rwe twa Twitter Tiger Woods ku munsi w’ejo yashimiye buri muntu wese wamubaye hafi haba mu masengesho no mu bundi buryo bwose bushoboka.

Mu butumwa bwe yagize ati “Biragoye gusobanura uburyo byankoze ku mutima ubwo narebaga televiziyo nkabona abakinnyi ba Golfe n’abafana bose bambaye ibara ritukura risobanura njyewe. Mwese ndabashimiye cyane muri kumfasha kunyura mu bihe bitoroshye ndimo."

Yakomeje agira ati “Abantu mwese mwanyifurije gukira vuba ndabashimiye by’umwihariko umuryango wanjye wambaye hafi bikomeye. Abafana banjye batahwemye kunyereka ko bahangayikishijwe nanjye ndabashimiye."

Mu magambo yuzuye amarangamutima Tiger Woods yasoje yizeza abafana be ko badakwiye guhangayika.

Tiger Woods yatangaje ibi nyuma yo kubona impungege bamwe mu bakunzi be bagiye bakomeza kugaragaza ku buzima bwe nyuma y’iyo mpanuko bakeka ko bishobora kuzamugiraho ingaruka zatuma batazongera kumubona mu kibuga.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO