Top 5: Ibyamamare mpuzamahanga bikurikirwa cyane kuri Instagram

Ibihe bihora bihinduka bikanagendana n’imbuga nkoranyambaga zihora zitera imbere umunsi ku wundi, byumwihariko Instagram yabaye ikimenyabose mu byiciro binyuranye by’ubuzima abantu babamo ku isi, ari nayo mpamvu turi bugaruke ku byamamare bikurikirwa cyane ku isi.

Uru rubuga nkoranyambaga rwashinzwe mu Ukwakira 2010, ntago rukiri urwo gushyiraho amafoto gusa, no kuganira bisanzwe, ubu ni rumwe mu zigaragaza ubuzima abantu babayeho.

Mu bushakashatsi ikinyamakuru cyitwa Influencer Marketing Hub cyakoze, kivuga ko Instagram yarenze Miliyaridi imwe yabayikoresha ku munsi kuva muri Kamena 2018, ndetse kuri ubu irimo igenda yegera kugera kuri Miliyaridi ebyiri.

Ubu Instagram ni urubuga rugezweho cyane mu bikorwa byo kwamamaza, aho ufite abamukurikira benshi kuri uru rubuga, aba afite amahirwe menshi yo kwamamariza ama kompanyi y’ubucuruzi akeneye kwagura ibikorwa byabo.

Dore urutonde rw’ibyamamare mpuzamahanga bikurikirwa cyane ku isi:

5. Kylie Jenner

Kylie Jenner ukomoka muri Leta Zunze Ubumwe za Amerika, asanzwe akora ibiganiro mbara-nkuru kuri za televiziyo zo muri Amerika, aho azwi cyane mu kiganiro KUWTK (Keep Up With The Kardashians).

Kylie Jenner abarirwa umutungo wa Miliyari imwe y’amadorali ya Amerika, ahanini yagiye akura mu bucuruzi bw’ibikoresho birimbisha abakobwa (lip sticks) ndetse n’imirimo yo kumurika imideri bimwinjiriza agatubutse.

Kylie akurikirwa ku rukuta rwe rwa Instagram n’abantu barenga Miliyoni 161, bityo bikamuhesha kuza ku mwanya wa gatanu mu byamamare bikurikirwa cyane kuri urwo rubuga nkoranyambaga.

4. Selena Gomez

Umuhanzikazi w’umunyamerika Serena Gomez w’imyaka 27 y’amavuko, aza ku mwanya wa Kane wabakurikirwa cyane ku rubuga rwa Instagram n’abagera kuri Miliyoni 167.

Serena Gomez asanzwe akorana na UNICEF aho yayihagarariye mu kwamamaza ibikorwa byayo (ambasaderi) akiri muto cyane ku myaka 17 kugeza magingo aya.

3. Dwayne Johnson

Uyu yamamaye ku izina rya The Rock mu mikino njya rugamba, aho asanzwe ari Umunyamerika ukomoka muri Canada, ni umwe mu bakinnyi ba filime zikunzwe hirya no hino ku isi.

The Rock aza ku mwanya wa gatatu w’abakurikirwa cyane kuri Instagram ku isi n’abantu barenga Miliyoni 170 zose.

2. Ariana Grande

Ni umuhanzikazi w’umunyamerika, ubu ufite imyaka 26 y’amavuko avukira I Boca Raton, ho muri Florida, aho yatangiye muzika ye mu mwaka wa 2008.

Uyu mukobwa kuri ubu, abarirwa agaciro ka Miliyoni 100 z’amadorali y’Amerika nk’umutungo we bwite.

Ariana Grande araza ku mwanya wa kabiri mu byamamare bikurikirwa cyane kuri Instagram, kuko afite abarenga Miliyoni 173 bamukurikira umunsi k’uwundi.

1.Cristiano Ronaldo

Ku mwanya wa mbere kuri uru rutonde rw’abakurikirwa n’imbaga nyamwinshi kuri Instagram haraza icyamamare mu mukino w’umupira w’amaguru Cristiano Ronaldo dos Santos Aveiro w’imyaka 34 y’amavuko.

Uyu mukinnyi umaze gutwara ibihembo bya Ballon d’Or inshuro eshanu zose, yavukiye mu kirwa cya Madeira, mu gihugu cya Portugal, atangira akinira ikipe ya Sporting Lisbon.

Cristiano Ronaldo abarirwa umutungo ungana na Miliyoni 460 z’amadorali ya Amerika kugeza magingo aya, uyu mutungo we muri uyu mwaka uhita umuhesha kuba ariwe mukinnyi wa kabiri uhembwa menshi ku isi.

Cristiano Ronaldo aza ku mwanya wa mbere mu byamamare bikurikirwa n’abantu benshi kuri Instagram kuko akurikirwa n’abarenga Miliyoni 201 zose.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO