Tour du Rwanda: Jhonatan Restrepo yegukanye agace ka gatatu

Umunya-Colombia Jhonatan Restrepo Valencia ukinira Drone Hooper-Androni yegukanye Agace ka Gatatu ari nako karekare muri Tour du Rwanda, aho kasorejwe i Rubavu nyuma yo guhagurukira i Kigali ku ntera y’ibirometero 155.9.

Aka gace kahagurukiye kuri MIC mu mujyi wa Kigali, aho kari kiganjemo ahantu hazamuka cyane, harimo nk’umusozi w’i Musanze, Kanyinya, Bigogwe, Kivuruga, n’ahitwa ku Murenge.

Jhonatan Restrepo yegukanye aka gace akoresheje amasaha atatu, iminota 54 n’amasegonda 10 (3 54’10’’), aho yakoresheje ibihe bimwe n’abandi 6 bamukurikiye.

Umunyarwanda waje hafi muri aka gace ni Hakizimana Seth ukinira Team Rwanda wabaye uwa 23 arushwa n’uwa mbere umunota umwe n’amasegonda 31 (1’31’’).

Ku rutonde rusange, umwambaro w’umuhondo wahise ufatwa na Jhonatan Restrepo wegukanye agace k’uyu munsi.

Iri siganwa rizakomeza ku munsi w’ejo Tariki ya 23 Gashyantare 2022, hakinwa Agace ka Kane kazahagurukira i Kigali [Kimironko] kerekeza i Gicumbi ku ntera y’ibirometero 124.3.


Icumi ba mbere mu gace ka gatatu

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO