Transfer News: Dore amakuru agezweho ku isoko ry’igura n’igurishwa ry’abakinnyi muri uku kwezi kwa Mbere ku mugabane w’i Burayi

Ikipe ya Arsenal na Chelsea ni amwe mu makipe akomeje kuvugwa ku isoko ry’igura n’igurishwa ry’abakinnyi aho kuri ubu ikipe ya Arsenal ikomeje kuvugwa cyane nyuma y’aho iri kurwana bikomeye no gutwara igikombe cya Shampiyona nyuma y’ibinya Cumi bibiri bishize itagikozaho imitwe y’intoki.

Kuri ubu ikipe ya The Gunnners y’umutoza Mikel Arteta ikomeje gushyirwa ku isonga mu makipe ari ku isoko ry’igura n’igurishwa ry’abakinnyi aho kuri ubu ugezweho yitwa Mykhaylo Mudryk ukinira ikipe ya Shaktar Donesk yo mu gihugu cya Ukraine.

Iyi kipe kandi ku isoko ry’uku kwezi kwa Mbere iravugwamo n’umukinnyi Joao Felix,utameranye neza n’umutoza we mu ikipe ya Athletico Madrid.

Ikipe ya Chelsea kandi nyuma yo kugura abakinnyi banyuranye kuri ubu ikomeje kwiruka nayo inyuma y’umukinnyi w’umu Faransa Marcus Thuram aho yifuza kongera imbaraga mu busatirizi bwayo nyuma yo kugira ibibazo bitandukanye by’imvune.

Ikipe ya Tottenham kandi yinjiye mu rugamba rwo guhanganira bikomeye umukinnyi
wa Brighton witwa Leandro Trossard, ndetse iyi kipe ngo ikomeje gushakisha abandi bakinnyi barimo Pedro Porro hamwe n’umunyezamu Jordan Pickford kugirango abe yasimbura kapiteni w’iyi kipe Hugo Lloris urimo kugana muzabukuru.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.