Transfer News:Ikipe ya Arsenal irimo gukoza imitwe y’intoki ku mukinnyi w’ingenzi yifuzaga hamwe n’undi ufite ubunararibonye bukomeye

Umunsi ku wundi amakipe akomeje urugamba rwo kwiyubaka cyane cyane mu gihugu cy’u Bwongereza ndetse ikipe ya Arsenal ikomeje kuvugwa ku isoko ry’igura n’igurishwa ry’abakinnyi aho kuri ubu yamaze gutanga andi mafaranga ku mukinnyi ukomoka mu gihugu cya Ukraine ariwe Mudryk.

Ikipe ya Arsenal n’umutoza Mikel Arteta bakomeje gushyira imbaraga mu gushakisha abakinnyi kugirango bakomeze kwiruka ku gikombe cya Shampiyona y’u Bwongereza Premier Lesgue aho iki gikombe bagiheruka mu mwaka wa 2004 ndetse akaba ari gikombe batwaye badatsinzwe umukino n’umwe ku ngoma y’umutoza Arsene Wenger.

Amakuru aramutse avugwa aremeza ko Arsenal yamaze kongera amafaranga aho bifuza kugura umukinnyi wa Shaktar Donesk bwana Mudryk aho kuri iyi kipe yamugejeje ku giciro cya Miliyoni 70 Z’Ama Pound kugirango abashe gusinyira iyi kipe ikunzwe n’abatari bake hano mu Rwanda.

Kugeza ubu kandi amakuru aravuga ko ikipe ya Arsenal irimo kwifuza umukinnyi Eden Hazard kuri ubu uri mu ikipe ya Real Madrid aho bifuza uyu mukinnyi kugirango aze gufasha iyi kipe kuba yakwegukana iki gikombe cya Shampiyona ndetse kugeza ubu biravugwa ko yifuza uyu mukinnyi kugirango afashe umutoza kuzamura imyumvire y’abakinnyi bamwe na bamwe.

Ikipe ya Arsenal kuri ubu iyoboye shampiyona y’u Bwongereza Premier League aho afite amanota 44 ndetse ikurikiwe n’ikipe ya Manchester City n’amanota 39 aho ikinyuranyo gitandukanya aya makipe yombi ari amanota 5 gusa.

Mu mpera z’iki cyumweru amakipe yombi afite umusozi munini wo kurira kuko kuri uyu wa Gatandatu ikipe ya Manchester City igomba gucakirana na Manchester United n’aho Arsenal igacakirana n’ikipe ya Tottenham.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO