Transfer Updates:Dore amakuru agezweho kuri Chelsea na Arsenal ku bakinnyi zifuza

Amakipe akomeje kwiyubaka ku buryo bukomeye ndetse kuri ubu harimo kuvugwa cyane ikipe ya Arsenal hamwe na Chelsea zombi ziherereye mu mujyi wa London mu gihugu cy’Ubwongereza.

Ku ikubitiro ikipe ya Chelsea yakunze kwifuza cyane umukinnyi wa Benifica Lisbon ukomoka mu gihugu cya Argentine ariwe Enzo Fernandez nyuma yo kwitwara neza agahabwa igihembo cy’umukinnyi muto wahize abandi mu gikombe cy’Isi akiri muto gusa ikipe ya Benifica ngo ntabwo yari yabasha kumvikana n’ikipe ya Chelsea kuri uyu musore ukiri muto nk’uko bitangazwa na Fabrizio Romano.

Fabrizio Romano avuga ko amakipe yombi yagerageje kuganira icyakora ngo ntabwo birakunda ko babasha guhuza mu buryo bw’amafaranga agomba kugurwa uyu mukinnyi.

Ku rundi ruhande ariko ikipe ya Arsenal nayo ntabwo yicaye kuko irimo kwifuza bikomeye umukinnyi w’umuhanga cyane uca ku ruhande witwa Mykaylo Mudryk ukomoka mu gihugu cya Ukraine ndetse akaba akinira ikipe ya Shaktar Donesk gusa kugeza ubu ntabwo amakipe yombi yari yabasha kumvikana kuko Arsenal imaze gutanga amafaranga ubugira kabiri ariko Shaktar ikayanga.

Kugeza ubu ikipe ya Shaktar irifuza Miliyoni 100 z’ama Euro kuri uyu mukinnyi mu gihe Arsenal yagerageje gutanga agera kuri Miliyoni 62 ariko iyi kipe ikazitera utwatsi gusa nyamara umukinnyi ku giti cye ahora yerekana ko yifiuza kujya muri the Gunners ya Mikel Arteta kuri ubu iyoboye shampiyona y’u Bwongereza Premier League.




Mukaylo Mudryk akomeje kwifuzwa bikomeye na Arsenal ya Mikel Arteta

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.