Travis Barker yarushinze na Kourtney Kardashian mu birori by’akataraboneka

Umucuranzi w’ingoma w’itsinda Blink-182, Travis Barker, yakoze ubukwe n’umunyamidelikazi Kourtney Kardashian bari bamaze igihe kinini bari mu munyenga w’urukundo.

Ibi birori by’akataraboneka byabereye mu Mujyi wa Santa Barbara muri California ku Cyumweru tariki 15 Gicurasi.

Ikinyamakuru TMZ dukesha iyi nkuru cyemeza ko aba bombi bahanye isezerano imbere y’abantu bake gusa TMZ yakomeje itangaza ko bateganya ibindi birori bikomeye bizabera mu Butaliyani mu minsi iri imbere.

Aba bombi basezeranye kubana akaramata nyuma y’uko bari baramaze gusezerana mu mategeko.

Kuwa 17 Ukwakira 2021 nibwo Travis Barker yari yambitse impeta y’urukundo Kourtney Kardashian amusaba ko yazamubera umugore undi arabyemera.

Ndetse ibi byabaye nyuma y’uko bari bamaze amezi asaga 9 bakundana byeruye,
Iki gikorwa cyabereye mu gace ka Montecito i Califorania muri Leta zunze ubumwe za Amerika.

Kourtney Kardashian w’imyaka 43 na Travis Barker bemeje ko bakundana ku wa 14 Gashyantare 2021 ndetse batangira kugaragarizanya urukundo ku karubanda guhera ubwo.

Travis Barker yabaye inshuti y’akadasohoka y’umuryango w’aba Kardashians kuva mu myaka myinshi ishize ndetse ibi bikaba bimugejeje ku ntego yo kubakuramo umugeni.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO