Trezzor yasohoye indirimbo ”Je t’aimerai” yizeza umugore we kumukunda iteka

Umuhanzi Kana Yves ukoresha izina rya Trezzor mu muziki nyuma yo gushyira hanze indirimbo yise ‘Uri urukundo’ avuga ku rukundo rwe n’umugore we Mugabekazi Diane yongeye ashyira indi hanze amubwira ko azamukunda igihe cyose.

Kana Yves na Mugabekazi Diane bashyingiranywe imbere y’Imana tariki ya 1 Gicurasi 2021.

Mu kiganiro na Genesisbizz ,Trezzor yadutangarije ko indirimbo Je t’aimerai ari imwe mu ndirimbo ziri kuri alubumu ye ari gutegura izaba ifite umwihariko wo kuba iriho indirimbo zivuga ku bukwe bwe n’umukunzi ku rugero rwa 80% mu rwego rwo gushimira umugore we urukundo amuha.

Yagize ati “80% by’indirimbo ziri kuri alubumu yanjye izaba yiganjeho indirimbo ndetse n’amashusho y’ibyaranze ubukwe bwanjye na Diane, ikaba ari alubumu natuye umugore wanjye mu rwego rwo kumushimira urukundo ampa."

Ku bijyanye n’indirimbo Je t’aimerai yatubwiye ko ari indirimbo yakoze ashaka kubwira umugore ko azamukunda ubuzima bwe bwose haba mu byiza cyangwa mu bibi.

Nyuma y’amezi agera kuri ane arushize avuga ko agikomeje kuryoherwa n’urushako.

Ati “Burya abasore babaho nabi ubu ndaryohewe cyane mu rugo na madamu ibintu byose ni uburyohe cyane, ndi mu munyega w’urukundo kandi ikindi Imana ikomeje kugenda itwagurira inzira ibintu byose twifuza ibiha umugisha."

Indirimbo Je t’aimerai yatunganyijwe mu buryo bw’amajwi na na Producer Trackslayer na Danny Beat naho amashusho afatirwa muri Repubulika iharanira Demokarasi ya Congo no mu Rwanda atunganywa na Director Berry Filmz.


Kana Yves na Mugabekazi Diane bashyingiranywe imbere y’Imana tariki ya 1 Gicurasi 2021

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO