Tunisia itari ifite icyo ihomba yateye icyondo Ubufaransa naho Australia yunamisha Denmark iyiraba ivu

Ikipe y’igihugu ya Tunisia yihagazeho yisasira ikipe y’igihugu y’Ubufaransa nubwo bwose intsinzi yayo itagize icyo iyimarira ni mugihe Kandi ikipe y’igihugu ya Australia nayo isezereye Denmark.

Imikino yakinwaga kuri uyu munsi irangiye ikipe 2 zibonye itike yerekeza muri 1/8 cyirangiza ndetse amakipe arimo Ubufaransa na Australia niyo abonye bidasubirwaho itike.

Icyakora nta byera ngo de nubwo ikipe y’igihugu y’Ubufaransa ikomeje ariko itunguwe n’ikipe y’igihugu ya Tunisia aho iyi kipe itsinzwe igitego 1-0.

Ikipe y’igihugu ya Tunisia yagiye gukina uyu mukino ntacyo iramira ndetse ibi byayiteye imbaraga bituma ibasha kwisasira Ubufaransa aho ikipe ya Didier Deschamps yaje gukina uyu mukino yizeye ko yamaze kubona itike ya 1/8 cyirangiza bituma ikinisha ikipe yiganjemo abakinnyi batamenyereye bituma Tunisia ibaraba ivu.

Ni mu gihe Kandi mu wundi mukino ikipe y’igihugu ya Australia nayo itsinze Denmark igitego 1-0 maze bituma Australia izamukana n’Ubufaransa aho amakipe yombi anganya amanota 6 kuri 6 ariko bagatandukanywa n’ibitego bazigamye.

Uyu mukino wa Tunisia n’Ubufaransa kandi wabaye Umunyarwandakazi Salima Mukansanga nawe ari mu basifuzi bagombaga kuwuyobora aho yari ashinzwe ibijyanye no gusimbuza abakinnyi hamwe no kugena iminota y’inyongera.



Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.