’ Tuzaguhiga kandi tuzakuvumbura’ Amerika iraburira buri umwe uzagerageza gutera inkunga Uburusiya mu buryo bwose

Leta zunze ubumwe za Amerika zihanangirije buri muntu wese uzagerageza gutera inkunga mu buryo bwose Uburusiya nyuma y’uko bufatiwe ibihano, Aho yavuze ko azahigishwa uruhindu ndetse bikazamugiraho ingaruka zikomeye.

Umunyamabanga wa Leta ushinzwe Ubukungu bwana Wally Adeyemo yatangaje ko Amerika izafatira ibihano bikakaye buri muntu, buri kigo cyangwa itsinda ry’abantu rizagerageza guha ubufasha Uburusiya mu buryo ubwo ari bwo bwose mu ntambara buhanganyemo na Ukraine.

Adeyemo yakomeje avuga ati " Tuzaguhigisha uruhindu aho uri hose kandi tuzakuvumbura, Ibyo dushaka gusobanura ni uko buri kigo cy’imari cyangwa umuntu wese ufite ubushobozi bwo gufasha Uburusiya, nabikora azahita yiyongera ku rutonde rw’abazahabwa ibihano."

Iyi myanzuro ije nyuma y’uko ibihugu birindwi bikize byahuriye mu nama aho byafatiye imyanzuro y’ibihano by’ubukungu leta y’Uburusiya n’abaherwe b’Uburusiya bagafatirwa imitungo.

Ibi bihugu birindwi bikize bimenyerewe nka G-7 birimo: Ubwongereza, Leta zunze ubumwe za Amerika, Canada, Ubuyapani, Ubudage, Ubufaransa n’Ubutaliyani.

Wally Adeyemo Umunyamabanga wa Leta ushinzwe Ubukungu wa USA.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO