UBUFARANSA: Emmanuel Macron yatsinze amatora y’umukuru w’igihugu

Emmanuel Macron yatsinze amatora y’umukuru w’igihugu cy’Ubufaransa aho yahigitse Marine Le Pen batavuga rumwe bituma atsindira manda ya kabiri aho byatumye aba perezida wa mbere uzitsindiye mu myaka isaga 20 ishize.

Mu majwi yakusanyijwe ku cyumweru dusoje, Emmanuel Macron yegukanye amajwi 58.55% mu gihe Marine Le Pen yegukanye amajwi 41.45%.

Si ubwa mbere aba bombi bari bahataniye umwanya w’umukuru w’igihugu kuko no mu matora yabanje mu 2017, Macron na Le Pen bari bahanganye bikomeye ndetse ibiganiro mpaka byabahuje biri mu byarebwe cyane mu Burayi.

Muri aya matora hagaragaye ubwitabire buke bitewe n’umubare munini w’abahisemo kwifata, aho habarurwa abantu 28%, ibi byatumye haboneka umubare munini w’amajwi y’imfabusa kuva mu mwaka wa 2002.

Macron yatsinze Le Pen mu matora y’umukuru w’igihugu cy’Ubufaransa.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO