UBURUSIYA: Abadufatiye ibihano by’ubukungu nibo byagizeho ingaruka

Perezida w’Uburusiya ’Vladimir Putin’ yatangaje ko ibihano by’ubukungu byafatiwe igihugu cye ntacyo byigeze bitanga kuko ahubwo byahungabanyije ababishyizeho.

Mu kiganiro n’itangazamakuru yagiriye i St Petersburg, perezida Putin yagize ati:" Ibihano by’ubukungu byafatiwe Uburusiya ntibyigeze bitanga umusaruro byari byitezweho, Ahubwo ibi bihano byahungabanyije cyane ababidufatiye."

Perezida Putin ku isabukuru ngarukamwaka y’inama mpuzamahanga yiga ku bukungu yaberaga i St Petersburg, yakomeje avuga ko Uburayi bwunze ubumwe bushobora guhomba miliyari 400 $(z’amadolari ya Amerika) bitewe n’ibihano byafatiwe Uburusiya.

Yakomeje avuga ko ifaranga ryatakaje agaciro cyane mu bihugu bisaga 27 by’Uburayi ndetse na benshi mu Banyaburayi ntibashyigikiye ibi bihano byafatiwe Uburusiya kuko nabo byabagizeho ingaruka zikomeye.

Kuva ku itariki 24 Gashyantare 2022, nibwo Uburusiya bwatangije icyo bise ’Ibikorwa bidasanzwe bya gisirakare’ muri Ukraine ndetse ibi bikorwa byahise bituma Leta zunze ubumwe za Amerika zishyigikira Ukraine dore ko Uburusiya basanzwe barebana ay’ingwe.



Ni benshi bibaza amaherezo y’ubushyamirane bwa Ukraine n’Uburusiya

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO