UEFA CHAMPIONS LEAGUE:Iyahigaga yahiye ijanja Barcelona iri mu nzira igana Europa League nyamara Salah yaraye aciye impaka

Mu ijoro ryakeye byari ishiraniro mu mikino ya Champions League aho ikipe ya Barcelona yananiwe kurenza ivi Inter Milan nyamara ikipe ya Liverpool yongeye yo gutanga isomo rya ruhago ndetse Salah atsinda ibitego 3 muri uwo mukino.

Ikipe ya FC Barcelona y’umutoza Xavi ntabwo yabashije kwirenza ikipe ya Inter Milan yo mu gihugu cy’Ubutaliyani kuko amakipe yombi rwabuze gica banganya
ibitego 3-3.

Imikino yaraye ikinwe yari iyo mu matsinda A,B,C ndetse na D ndetse yari imikino yo kwishyura mu matsinda.

Amakipe amwe namwe yivuye inyatsi aratsinda andi akomeza kuririmba urwo abonye kuko hari amakipe yizeye gukomeza andi asigara akishakisha arimo kumangamanga.

Umukino wari ubereye ijisho wahuzaga ikipe ya FC Barcelona yakinaga na Inter Milan ndetse uyu mukino warangiye amakipe yombi anganyije ibitego 3-3 bituma Barcelona yitesha amahirwe ahubwo inzira yayo ikomeza kuyiganisha muri Europa League nubwo bitari byarangira

Ikipe yabanje gutsinda ni Barcelona ku gitego cya Ousmane Dembélè, Inter iracyishyura ku munota wa 50’. Lautaro Martinez yatsindiye inter icya kabiri ku munota wa 63’.

Robert Lewandowski yashyizemo ibindi bitego bibiri, naho Robin Gosens ashyiramo ikindi gitego cya Inter Milan umukino urangira utyo.

Undi mukino kandi wahuzaga ikipe ya Liverpool na Rangers, Uyu mukino wabonetsemo ibitego umunani, birindwi bya Liverpool na kimwe cya Rangers ndetse muri uyu mukino Mohamed Salah yandikiyemo amateka abasha kurunguruka mu izamu ubugira gatatu.


Ikipe ya FC Barcelona ikomeje kumangamanga muri Champions League

Mohamed Salah yongeye guca impaka nyuma yo gutsinda ibitego 3

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO