Canal + mu byishimo nyuma y’itsindwa rya Victory TV yari yajuririye kwerekana imikino y’Iburayi

UEFA, premier league ndetse na kompanyi ya Canal + International bishimiye icyemezo cy’urukiko rw’u Rwanda ndetse n’icy’urwego ngenzuramikorere mu kurwanya ubujura bw’ibihangano (Piratage) mu Rwanda.

Ishyirahamwe ry’umupira w’amaguru mu burayi (UEFA) ritegura, rikanayobora imikino ya UEFA Champions league, UEFA Europa league, hamwe na the Football Association Premier League Limited itegura ikanayobora imikino ya English Premier League, hamwe na Canal + International umufatanyabikorwa wemewe mu gusakaza amashusho yiyo mikino mu rurimi rw’igifaransa, bishimiye icyemezo cy’urukiko n ° RCOMA 00877/2019 / HCC rwatangajwe ku italiki ya 9 Nzeri 2020 n’urukiko rukuru rw’ubucuruzi mu Rwanda ku kirego kireba shene ya televiziyo “ Victory TV Ltd”.

Urukiko rukuru rw’ubucuruzi rwatesheje agaciro ubujurire bwa shene ya televiziyo Victory TV, icyemezo cyafashwe mu rubanza RCOM 00869/2019 / TC, runasaba iyo shene guhagarika gusakaza amashusho y’imikino ya Premier League yo mu bwongereza, UEFA Champions League n’iyindi mikino yose ya UEFA Europa League ku butaka bw’u Rwanda.

Nyuma y’ibyavuye mu rubanza, urwego ngenzuramikorere (RURA) rwasabye shene ya Victory TV mu cyemezo cyafashwe ku ya 28 Nzeri 2020, guhagarika gusakaza amashusho y’iyo mikino bitaba ibyo ikazamburwa uburenganzira bwo gukorera mu Rwanda.

UEFA hamwe na premiere league yo mu bwongereza, batangaje ko gusakaza amashusho y’imikino yabo utabiherewe uburenganzira ari ubujura bw’ibihangano(piratage), ikaba yishimiye ibyemezo byafashwe n’urukiko rwo mu Rwanda rufatanyije n’urwego ngenzuramikorere (Rura).

Ubu mu Rwanda ushobora kureba imikino yose ushaka y’iburayi ukoresheje decoder ya Canal+ aho bagufitiye amafatabuguzi menshi kandi agendeye ku bushobozi bwawe aho twavuga:

Ifatabuguzi rya mbere ryitwa “Ikaze”, iri rigura amafaranga y’u Rwanda ibihumbi bitanu uyiguze areba Imikino irimo shampiyona y’ubutaliyani, Ububiligi n’ibindi birimo shene z’imiziki ndetse n’amakuru ya Politike.

Irindi fatabuguzi ryitwa “Zamuka” ryo rikaba rigura ibihumbi 10frw, uwariguze areba ibyo ku “Ikaze” ariko akongerwa n’izindi shene ziriho ibiganiro by’urwenya (Comedy), ubumenyi bw’isi, filime zinyuranye n’ibindi.

Ifatabuguzi rya gatatu ni iryitwa “Zamuka na Siporo” ryo rikaba rigura ibihumbi 20, rigizwe n’amashene yose yerekana imikino kuva kuri Canal Sport + ya mbere kugera kuya kane.

Ifatabuguzi rya kane ni iryitwa “Ubuki”, iyi uyifite areba Shene zose zigize Canal +.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO