UKRAINE: Abana 287 bamaze kugwa mu ntambara y’Uburusiya na Ukraine

Perezida wa Ukraine, Volodymyr Zelensky yatangaje ko abana basaga 287 bamaze kugwa mu mirwano yashyamiranyije igihugu cye n’Uburusiya kuva mu kwezi kwa Gashyantare uyu mwaka.

Mu itangazo yagejeje ku banyagihugu muburyo bw’amashusho asanzwe yifata buri mugoroba yagize ati:" Ingabo z’Uburusiya zamaze kwigarurira kamwe mu gace k’igihugu cyacu, Ndetse ntituzi ibikaberamo nta n’amakuru ahagije dufite y’ibikaberamo."

Yakomeje agira ati:" Buhoro Buhoro turi kugenda tuvumbura ibibera mu duce Uburusiya bwigaruriye ndetse uku ni nako imibare y’abana baguye mu ntambara twayimenye, Aba ni abana bishwe n’ibisasu Uburusiya bwarashe i Mariupol n’ahandi, Ubu aka kanya aya makuru turayafite."

Ku itariki ya 1 Kanama, nibwo Zelensky yari yatangaje ko abana 243 bapfuye, 446 bagakomereka ndetse 139 bakaburirwa irengero nk’uko tubikesha Associated Press.

Ishami ry’umuryango w’abibumbye ryita ku bana (UNICEF) ryatangaje ko abana basaga miliyoni ebyiri (2) bamaze gukurwa mu miryango yabo.




Intambara y’Uburusiya na Ukraine ni benshi yakuye mu byabo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO