UKRAINE: Zelensky arasaba abaturage kuryamira amajanja kuko Uburusiya bushobora kugaba ibitero igihe bizihiza ubwigenge

Perezida wa Ukraine Volodymr Zelensky arasaba abaturage ba Ukraine kuryamira amajanja kuko Uburusiya bushobora kubagabaho ibitero igihe bari mu birori by’ubwigenge biteganyijwe kuri uyu wa gatatu tariki 24 Kanama 2022.

Ukraine iritegura kwizihiza ibirori by’imyaka 31 imaze yigenga aho ku itariki 24 Kanama 1991 aribwo yivanye mu cyahoze ari Abasoviyeti bunze ubumwe.

Nubwo perezida Zelensky yasabye abaturage kuryamira amajanja yanabibukije ko Uburusiya butagomba kubatera ubwoba ngo butume batizihiza umunsi mukuru w’ubwigenge.

Mu magambo ye yagize ati:" Tugomba kuryamira amajanja kuko bishoboka cyane ko Uburusiya bushobora kugerageza gukora igikorwa cy’ubushotoranyi."

" Bimwe mu byo umwanzi wacu yifuza gukora ni ukudusebya twebwe nk’abanya-Ukraine, gutesha agaciro indangagaciro zacu, kuturemamo ubwoba n’amakimbirane, Ni iby’agaciro ko tutagomba kwerekana intege nke."

Kugeza ubu ishyamba ngo si ryeru kuko Uburusiya bushobora kugaba ibitero kuri Ukraine isaha ku isaha igihe abaturage baba bahugiye mu bikorwa byo kwizihiza ubwigenge bwabo igihe bikuraga mu bahoze ari abasoviyeti bunze ubumwe nk’uko bitangazwa na Perezida Volodymr Zelensky.

Ese Abasoviyeti bunze ubumwe bari bantu ki ?
Abasoviyeti bunze ubumwe (USSR: Union of Soviet Socialist Republics) bari bagizwe n’ibihugu 15 byishyize hamwe kuva mu 1917 ugera mu 1991 ubwo basenyukaga.

Ibihugu binyamuryango uko ari 15 byari biteye ku buryo bukurikira:
. Armenia
. Azerbaijan
. Georgia
. Belorussia (ubu ni Belarus)
. Estonia
. Kazakhstan
. Kirgiziya (ubu ni Kyrgyzstan),
. Latvia,
. Lithuania
. Moldavia (ubu ni Moldova)
. Uburusiya
.Tajikistan
.Turkmenistan
. Ukraine
. Uzbekistan

Ese Abasoviyeti bunze ubumwe bari umuryango cyangwa igihugu?

Abasoviyeti bunze ubumwe ntabwo bari umuryango ahubwo cyari igihugu.

Kuko bari bagizwe n’ibihugu 15 byishyize hamwe byatumaga baba igihugu cya mbere kinini ku isi aho nibura bari barigaruriye 1/6 cy’ubutaka bw’isi yose.

Abasoviyeti bari babayeho bate?
Abasoviyeti bakimara gushingwa, bayobowe n’ishyaka rya gikomuniste aho Vladimir Lenin uyu wari Umurusiya w’impirimbanyi y’impinduramatwara ariwe wari uyoboje Abasoviyeti inkoni y’icyuma ndetse ibihugu binyamuryango byose byagombaga kugengwa no gukurikiza amategeko yashyizweho igihe Abasoviyeti bashingwa.

Ese kuki Ukraine yikuye mu Basoviyeti bunze ubumwe ?
Nibura kuva tariki 2 Mutarama 1990, abaturage basaga 300,000 ba Ukraine batangiye kurema amatsinda aharanira ubwigenge bwabo mu bice bya Kyiv na Lviv.

Ukraine yahindutse igihugu kigenga itangaza n’ubwigenge bwayo ku mugaragaro ku itariki 24 Kanama 1991 iboneraho kuvuga ko itazongera gukurikiza no kugengwa n’amategeko y’Abasoviyeti ukundi.

Nyuma y’amatora ya kamara-mpaka yabaye mu kwezi k’Ukuboza 1991, Ukraine yahindutse igihugu kigenga byemewe n’amategeko aho abaturage basaga 90% batoye Kwigenga ndetse ibi byakurikiye kugwa kw’Abasoviyeti bunze ubumwe tariki 26 Ukuboza 1991.

Ese kuki Abasoviyeti bunze ubumwe basenyutse ?
Gusenyuka kw’Abasoviyeti bunze ubumwe byabaye buhoro buhoro ndetse bihera muri bo imbere ubwo igihugu kimwe kimwe cyagendaga cyiyomora ku bindi kugeza byose bitandukanye buri kimwe kikigenga bitewe n’impamvu za politiki, ubukungu, ingufu n’ibindi.

Imwe mu mpamvu zindi zatumye Abasoviyeti bunze ubumwe basenyuka ni impinduka zazanywe na Mikhail Gorbachev wari umuyobozi mukuru w’Abasoviyeti kuva mu 1929.

Uyu yashyizeho Politike zo kuvugurura ubukungu n’imibanire n’ibindi bihugu kuko Abasoviyeti bari bameze nk’ababa mu isi ya bonyine.

Zimwe mu mpinduka zirimo politike yo kugira amashyaka menshi n’ubwisanzure nibyo byaje gushyira iherezo kuri iki gihugu ubwo mu 1991 bamwe mu bagize inteko-ishingamategeko batoye ko Abasoviyeti bunze ubumwe basenywa.

Ese ubu ni ibihe bihugu bigenzurwa n’icyahoze ari Abasoviyeti bunze ubumwe?
Nyuma yo gusenyuka kw’Abasoviyeti, icyahoze ari Abasoviyeti cyasigaye mu maboko y’Uburusiya dore ko ari nabwo bwari bwarafashe iya mbere mu guhuza ibihugu byari bigize Abasoviyeti aho Vladimir Lenin ariwe wabaye umuyobozi wa mbere w’iki gihugu cyatangiye kigizwe n’ibihugu 6 byishyize hamwe: Uburusiya, Ukraine, Belarus, Transcaucasia (Georgia y’uyu munsi), Armenia na Azerbaijan

Kugeza ubu Ukraine niyo itarabona ubwigenge busesuye aho intara zimwe na zimwe z’iki gihugu zikigenzurwa n’Uburusiya.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO