USA: Umubare w’impunzi zizakirwa mu 2023 wiyongereye ugera ku bantu 125,000 uvuye ku 15,000

Umubare w’impunzi zizakirwa mu mwaka wa 2023 muri Leta zunze ubumwe za Amerika wageze ku bantu 125,000 aho wikubye kure cyane abakiriwe mu mwaka wa 2022.

Ubuyobozi burangajwe imbere na Joe Biden perezida wa 46 wa USA bwamaze kwemeza ko umubare w’impunzi zizakirwa mu mwaka wa 2023 dutangira kuri uyu wa gatandatu uziyongera ukava ku bantu 15,000 ukagera ku 125,000.

Ubuyobozi bwa Donald J.Trump butakunze kugirana imibanire myiza n’abimukira bwakunze gushinjwa kutita ku burenganzira bw’impunzi no gukandamiza abimukira.

Mu mwaka wa 2023 biteganyijwe ko hazakirwa impunzi zisaga 40,000 ziturutse muri Afurika, abasaga 15,000 bazaturuka muri Aziya y’Uburasirazuba n’abandi 15,000 bazaturuka mu Burayi na Aziya yo hagati, 15,000 nanone bazaturuka muri Amerika y’Epfo, 35,000 bazava muri Aziya y’Epfo na 5,000 bazava ahandi hatandukanye.

Leta zunze ubumwe za Amerika zashyizeho gahunda yo kwakira impunzi n’abimukira benshi mu mwaka wa 2023 mu rwego rwo gushimangira uburenganzira bw’impunzi bitewe n’abantu benshi bari mu kaga k’intambara mu bice bitandukanye by’isi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO