USA:Umwana w’imyaka 2 yarashe se umubyara bimuviramo urupfu

Umwana muto w’umuhungu w’imyaka 2,yarashe se umubyara kubera ababyeyi be bari bandaritse imbunda kandi irimo amasasu, nyuma yo gukora mu mbarutso umwana yahise arasa se maze nawe ahita ashiramo umwuka.

Mu mujyi wa Miami ho muri Leta zunze ubumwe za Amerika, umwana ufite imyaka 2 y’amavuko yarashe se umubyara ndetse aramwica ubwo ababyeyi be bivugwa ko bari bandaritse imbunda kandi irimo amasasu ndetse ibi byabereye mu cyumba aho umuryango warimo abantu batanu barimo n’uyu mubyeyi witabye Imana ndetse harimo n’umwana w’amazi atanu gusa.

Ubwo habaga uku kurasa abapolisi bahise bahashyika ndetse bata amuri yombi mama w’uyu mwana ashinjwa kugira uruhare muri ubu bwicanyi kuko habayeho uburangare bukomeye.

Amakuru akomeza avuga ko uyu muhgabo w’imyaka 26 y’amavuko yihutanywe mu bitaro gusa n’ubundi aza kuhagwa nyuma y’igihe gito.

Bivugwa ko nyakwigendera yitabye Imana amaze kubyarana n’umugore we abana bagera kuri babiri.

Ubusanzwe ngo iyi mbunda yari mu gikapu maze umwana arayifata irimo amasasu maze arasa papa we ubwo we yari ahuze arimo gukina game kuri mudasobwa ye ndetse byemezwa neza na polisi ko uyu mwana yarashe se mu mugongo aribyo byamuviriyemo kwitaba Imana.

Ikibabaje ni uko aba bana basigaye b’uyu muryango ubu babayeho nabi dore ko bamaze kubura ababyeyi babo kubera ko papa wabo yitabye Imana naho mama wabo ari muri gereza mu gihe ategereje kuburana.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO