USA: Umwiyahuzi yishe abantu 10 abarashe muri leta ya Colorado

Umugabo witwaje imbunda yishe abantu 10, barimo n’umupolisi, nyuma y’impagarara zamaze amasaha mu isoko ry’imboga ryo muri leta ya Colorado, nkuko polisi y’Amerika ibivuga.

Icyo gitero cyabereye mu mujyi wa Boulder, cyarangiye hari inkomere itambaye ishati icyekwaho kukigaba, ivanwa mu isoko rizwi nka King Soopers.

Ukurasana kwatangajwe kurimo kuba n’ababibonye biba, guca ku rubuga rwa YouTube.

Byatangiye mu masaha ya saa munani n’igice (14h30) ku isaha yaho, ni ukuvuga ahagana saa yine n’iminota 30 z’ijoro (22h30) ku isaha yo mu Rwanda no mu Burundi.

Uwo ucyekwa yari amaze kwinjira mu iduka ricuruza imboga ahita atangira kurasa.

Nyuma y’iminota 20, polisi yo mu mujyi wa Boulder yashyize ubutumwa kuri Twitter ivuga ko "hari umuntu urimo kurasa" ku isoko rya King Soopers riri ku muhanda wa Table Mesa.

Amasaha abiri nyuma yaho, polisi yongeye kuburira abantu kwirinda kugera muri ako gace.

Ubutumwa bwa polisi bwo kuri Twitter bwongeye buti: "Ntimutangaza ku mbuga nkoranyambaga amakuru ayo ari yo yose y’amayeri y’urugamba mushobora kubona".

Ariko igice cy’izo mpagarara, cyafashwe kuri ’camera’ n’umuntu wahanyuze, kigaragaza abapfuye bari hafi y’iryo duka ry’imboga.

Uwo mugabo wari ufite ’camera’, avugira hejuru ati: "Sinzi ikintu kirimo kuba... Numvise amasasu, umuntu ari hasi. Hari umuntu urimo kurasa, mujye kure". Humvikana amasasu ubwo yirukankaga ava mu gace iryo duka ririmo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO