Ubuhinde: Imbeba zirashinjwa kurya ibiro hafi 200 by’urumogi rwari rwafashwe na polisi

Mu buryo butunguranye imbeba zirashinjwa kwihererana ibiro bisaga 200 by’urumogi rwafashwe na polisi zikarurya hafi ya rwose.

Mu biro 200 by’urumogi rwafashwe, ubu ngo hasigaye ibiro (5) bitanu byonyine aho 195 ngo byangijwe n’imbeba.

Inkuru dukesha BBC ikomeza ivuga ko iri sanganya ngo atari ubwa mbere ribaye imbeba zirya urumogi kuko mu karere ka Mathura ko mu Buhinde naho higeze gufatirwa urumogi rungana n’ibiro 700, biza kuvugwa ko kimwe cya kabiri cyarwo cyariwe n’imbeba.

Uru rumogi ngo rwari rwabitswe muri sitasiyo ya polisi nk’ibizibiti byagombaga kwifashishwa mu bushinjacyaha, none ubu ibiro 195 muri 200 byangijwe n’imbeba.

Si ubwambere imbeba ngo zigabye igitero kuri polisi kuko no mu 2017 nanone imbeba zigabije amalitiro y’inzoga z’inkorano ngo zirayanywa zirayakamya ndetse n’inoti zisaga 1,200,000 z’Amarupee zisanga zarashwanyaguritse bikekwa ko zariwe n’izi nkegesi.

Imbeba zikomeje gushinjwa ibikorwa by’ubwangizi mu Buhinde

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.