Ubuholandi butahiye kujabura inkono naho Messi na bagenzi be bakinira Argentine birangira aribo bariye ibiryo bihiye neza

Kizigenza Lionel Messi birangiye afashije ikipe y’igihugu ya Argentine gusezerera ikipe y’igihugu y’Ubuholandi mu mikino ya 1/4 Cy’igikombe cy’Isi mu mukino wari unogeye ijisho.

Ikipe y’igihugu ya Argentine yatangiye nabi igikombe cy’Isi itsindwa na Saudi Arabia gusa kuri ubu birangiye iyi kipe isezereye ikipe y’igihugu y’Ubuholandi aho iyisezereye kuri Penaliti.

Uyu mukino waranzwe no guhangana hagati y’amakipe yombi gusa Lionel Messi mu gice cya Mbere cy’umukino yatanze umupira mwiza wavuyemo uburyo bwabyaye igitego cya Mbere cya Argentine ndetse mu gice cya Kabiri Messi yatsinze igitego cya Kabiri kuri Penaliti.

Ikipe y’igihugu y’Ubuholandi yaje kubona igitego nayo bituma itangira kwataka cyane ku buryo budasanzwe ndetse bituma inagombora Kuko yabonye igitego cya Kabiri bituma berekeza mu minota 30 y’inyongezo biranga birananirana.

Mu gihe amakipe yombi yateraga Penaliti umuzamu Emiliano Martinez wa Argentine yakoze akazi gakomeye cyane ubwo yakuragamo Penaliti ya mbere y’Ubuholandi yatewe na Virgil Van Djik birangira ayikuyemo ndetse ibi byatumye Argentine ijyenda imbere y’Ubuholandi ndetse birangira ikipe ya Argentine ikomeje muri 1/2 aho izacakirana na Croatia yasezereye Brazil.

Lionel Messi yigaragaje cyane afasha ikipe ye ubwo yatsindaga igitego agatanga n’umupira wavuyemo igitego.


Emiliano Martinez ufatira Argentine agaragaje imikinire yo ku rwego rwo hejuru akuramo Penaliti.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.