Uburiye umubyizi mu kwe ntako aba atagize Eden Hazard yasezeye mu ikipe y’igihugu y’Ububiligi nyuma yo kunanirwa kurenga umutaru

Eden Hazard wari Kapiteni w’ikipe y’igihugu y’Ububiligi yamaze gufata umwanzuro asezera mu kipe y’igihugu y’Ububiligi bakunda kwita Les Diables rouge (Amashitani atukura) ndetse uyu mugabo asezeye ku myaka 31 y’amavuko nyuma y’aho igihugu cye kinaniwe kurenga umutaru.

Eden Hazard asezeye mu ikipe y’igihugu y’Ububiligi mu gihe abandi bakinnyi bakuze barimo Cristiano Ronaldo, Lionel Messi n’abandi batari bafata umwanzuro wo gusezera mu ikipe z’ibihugu byabo.

Uyu mugabo abinyujije kuri Instagram ye, Hazard yemeje ko yahisemo "guhagarika gukinira ikipe y’igihugu."

Yanditse ati: "Gahunda yahindutse uyu munsi… Ndabashimira urukundo rwanyu. Ndabashimira inkunga yanyu itagereranywa.

Ndabashimira ibyishimo byose twasangiye kuva mu 2008, Nahisemo guhagarika umwuga wanjye mu ikipe y’igihugu, Gusimburwa birateguye, Nzabakumbura.

Hazard yari amaze guhamagarwa inshuro 126 mu Bubiligi,akaba yaratsinze ibitego 33 kuva mu 2008 ndetse yafashije ikipe ye kugera ku mwanya wa 3 mu gikombe cy’Isi 2018.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO