Uburusiya bwatahuye umubare w’ingabo zishyigikiye Ukraine mu ntambara

Abasirikare b’Abanyamahanga bari gufasha Ukraine guhangana n’Uburusiya bagera ku bihumbi 20 ndetse baturuka mu bihugu bisaga 50 hirya no hino ku isi.

Nkuko BBC yabitangaje yavuze ko abanyamahanga basaga ibihumbi 20.000 bari muri Ukraine gufasha icyo gihugu kurwana n’Uburusiya mu ntambara ibihugu byombi bihanganiyemo Kuva muri Gashyantare uyu mwaka.

Umwe mubarwanira Ukraine yagize ati "Ndi hano kurwanira ubwigenge no kwibohora.Undi yagize ati "Turwanira Demokarasi mu isi.Turwanya abakandamiza abakene.

BBC yakomeje ihamya ko aba basirikare bose basinye amasezerano y’imikoranire.

Abarwanyi bashya bahabwa amabwiriza mashya kandi baba bazi ko uwo munsi ushobora kuba uwa nyuma ariko ngo biteguye gukomeza kugeza ku iherezo.

Abasirikare ba Ukraine bari mu mujyi wa Severodonetsk mu burasirazuba babwiwe kuhava, nkuko bivugwa n’umutegetsi mukuru wo muri ako karere.

Serhiy Haidai, Guverineri w’akarere ka Luhansk, yagize ati: "Kuguma mu birindiro bimaze amezi biraswaho ubudahwema [ubutaruhuka] ntibyumvikana".

Abasirikare b’Uburusiya bateye intambwe mu minsi ya vuba aha ishize ndetse bagose hafi uyu mujyi wose, n’umujyi bituranye wa Lysychansk.

Perezida w’Uburusiya Vladimir Putin yavuze ibitari ukuri ko abavuga Ikirusiya bo muri Donbas bakorewe jenoside - imwe mu mpamvu z’ingenzi atanga zatumye atera Ukraine.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO