Uburusiya bwatangaje ko abacancuro basaga 100 ba Ukraine bamaze kugwa mu bitero bwagabye i Donetsk

Minisiteri y’umutekano y’Uburusiya yatangaje ko abacancuro basaga 100 baturutse mu mahanga barwanira Ukraine baguye mu gitero cya misisle cyagabwe ku cyumweru dusoje.

Abacancuro basaga 100 n’ibimodoka bitandatu by’intambara nibyo byangijwe mu gace ka Chasiv Yar ubwo indege z’intambara z’Uburusiya zagabaga igitero cyigamije kwivuna umwanzi, Nk’uko byatangajwe n’umuvugizi w’igisirikare cy’Uburusiya General Igor Konashenkov.

Uyu mujyi urindwa n’igisirikare cya Ukraine wamaze igihe kinini uberamo imirwano karundura ndetse Ukraine yo ikaba yatangaje ko habonetse inkomere eshatu zavuye mu gitero cya misile kuva kuri uyu wa gatandatu nk’uko tubikesha ukuriye ingabo za Ukraine muri aka gace, Pavlo Kirilenko.

Ibi bitero bibaye kandi hashize igihe gito hagabwe ibindi byangije ububiko bw’intwaro za HIMARS z’igisirikare cya Ukraine hafi y’umujyi wa Dnipro.

Ku itariki 24 Ugushyingo 2022, nibwo amezi (9) icyenda yari ashize Uburusiya butangije ibyo bwise ibikorwa bya gisirikare bidasanzwe muri Ukraine.


Intambara ya Ukraine n’Uburusiya iracyakomeje

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO