Belarus yemeye ko Uburusiya bwakoresha ubutaka bwayo mu kurasa ibisasu kirimbuzi muri Ukraine

Ku cyumweru dusoje, Uburusiya bwatangije imyiteguro yo gukoresha ibisasu by’ubumara bwa kirimbuzi nyuma y’uko amahanga abufatiye ibihano by’ubukungu. Belarus isanzwe ari inshuti cyane n’Uburusiya yemeye kubuha ubutaka bwo kurasiraho ibi bisasu kirimbuzi.

Nyuma y’uko Uburusiya bwinjiye ku butaka bwa Ukraine mu buryo bunyuranyije n’amategeko, bugashoza intambara, Bwafatiwe ibihano bikomeye by’ubukungu.

Bimwe mu bihano byafatiwe Uburusiya biteye kuburyo bukurikira:

- Banki z’Uburusiya zikorera mu Bwongereza n’ibindi bihugu by’Uburayi bwunze ubumwe, imitungo yazo izafatirwa.

- Ibigo bikomeye byo mu Burusiya ntibizemererwa kuba byaguza amafaranga mu bigo by’inguzanyo byo mu Bwongereza ndetse n’indege z’Uburusiya zizakumirwa kuburyo zidashobora kugwa ku kibuga na kimwe cyo mu Burayi.

- Nta gikoresho na kimwe cy’ikoranabuhanga rigezweho n’ibikomoka kuri peteroli bizongera kuva mu Bwongereza byoherezwa mu Burusiya.

Nyuma y’uko Uburusiya bufatiwe ibi bihano, nyuma yo kwinjira ku butaka bwa Ukraine bukoresheje imbaraga za gisirikare, bwo bwahisemo gutangira gutegura ikoreshwa ry’ibisasu kirimbuzi by’ubumara bwa nikereyeri (Nuclear).

Ibi byahangayikishije benshi kuko intambara yamaze guhindura isura ndetse bakavuga ko hatagize igikorwa mu maguru mashya, bishobora kugera kure dore ko hajemo no gukoresha ibisasu kirimbuzi.

Ikibazo ni uko Belarus ihana imbibi na Ukraine mu majyepfo yayo, kuburyo kuyifashisha nk’ibirindiro biteje impungenge zikomeye kuko byoroshye kurasa muri Ukraine uri muri Belarus.

Ibisasu kirimbuzi by’uburusiya byamaze kugezwa muri Belarus kuburyo byaraswa muri Ukraine isaha ku isaha igihe bibaye ngombwa.

Belarus na Ukraine ni ibihugu bisanzwe bihana imbibi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO