Uburusiya na Ukraine biritana ba mwana ku wagabye igitero cya misile muri Pologne aho bishobora kuvamo intambara ya III y’isi

Mugihe isi yose ikiri guhangana n’ingaruka z’intambara yahuje Ukraine n’Uburusiya, Ibi bihugu bibiri ntibyumvikana na gato ku waba yararashe ibisasu muri Pologne aho bikomeje guterana amagambo bitihise yavamo intambara ya III y’isi.

Ku bakurikirana bya hafi amateka y’intambara z’isi zose akenshi zagiye zigira imbarutso y’utuntu duto twazitangije, urugero nk’intambara ya I y’isi imwe mu mbarutso zayo harimo ubwicanyi bw’igikomangoma Franz Ferdinand cya Austria-Hungary bikozwe n’agatsiko k’ibyihebe bya Serbia muri Kamena 1914.


Ubwicanyi bwa Franz Ferdinand ni imwe mu mbarutso z’intambara ya I y’isi (Wikipedia)

Imbarutso y’intambara ya II y’isi yabaye muri Nzeli 1939 ubwo Adolph Hitler n’ingabo ze bateraga Pologne bigatuma ingabo z’Ubwongereza n’Ubufaransa zimugabaho ibitero byatangije intambara ya II y’isi ku mugaragaro.



Ingabo za Adolph Hitler zinjira muri Pologne 1939(Vox)

Kugeza ubu benshi bemeza ko igitero cya misile giheruka kugabwa muri Pologne bivugwa ko cyagizwemo uruhare na Ukraine gishobora kuba imwe mu mbarutso z’intambara ya III y’isi.

Ese ubundi intambara z’isi zagiye zibaho gute?
Dufashe urugero Uburusiya ntibuvuga rumwe na Ukraine, Gusa Ukraine ni inshuti n’Uburayi kandi ishyigikiwe na Amerika na NATO muri rusange.

Koreya ya Ruguru n’Ubushinwa nabyo ntibivuga rumwe na Amerika kandi ni inshuti za hafi z’Uburusiya.

Mu gihe igihugu runaka cyatera Uburusiya, ubwo Ubushinwa, Koreya ya Ruguru n’izindi nshuti z’ibi bihugu nabyo ni nk’aho uba ubigabyeho ibitero, bihita bihinduka intambara zabyo bityo igahinduka iy’isi yose.

Mu gihe igihugu runaka cyatera Ukraine, Ubwo Amerika, Uburayi n’ibihugu byose bibarizwa muri NATO waba ubigabyeho ibitero kuko intambara ihita ihinduka iyabyo, bityo igahinduka iy’isi yose dore ko umwanzi w’inshuti yawe ahinduka umwanzi wawe.

Ifoto:Intambara ya I y’isi (Wikipedia)
Ese Ibitero byagabwe muri Pologne byavamo intambara y’isi gute ?

Igisasu giheruka guterwa muri Pologne kuri uyu wa kabiri cyaguye mu murima wo mu cyaro cya Przewodow ku birometero 6 uvuye ku mupaka wa Ukraine ndetse cyahitanye ubuzima bw’abantu babiri.

Ifoto:Reuters

Kugeza ubu Ukraine ishyirwa mu majwi ko ariyo yagabye iki gitero gusa nayo ikavuga ko bishoboka ko Uburusiya bwakigizemo uruhare.

Abajijwe ibyo Ukraine ishinjwa, Perezida Volodymyr Zelenskyy mu ijambo ryanyuze kuri televiziyo y’igihugu yagize ati:" Sinshidikanya ko iyi atari misile yacu, ndahamya ko ari iy’Uburusiya nshingiye ku makuru ya raporo yakozwe n’igisirikare cyacu."

Mu gihe Pologne yakwihimura kuri Ukraine bivugwa ko ariyo yagabye iki gitero, nayo birashoboka ko yarengera ubusugira bwayo ikinjira mu ntambara, byatangize intambara hagati y’ibihugu byombi tutibagiwe n’isanzwe ihanganyemo n’Uburusiya.

Aha niho abasesenguzi bashingiraho ko bidakurikiraniwe mu maguru mashya aya makimbirane ashobora kugeza ku ntambara y’Isi yose kuko ntikiri kurwanwa n’ibihugu bibiri.

Uburusiya na Ukraine ntibyemera uruhare rwabyo mu gitero cyagabwe muri Pologne

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.