Uburyo wamenyamo ko umugabo aguca Inyuma utarebye muri telephone ye

Mu muryango burya habamo impamvu nyinshi zishobora gutuma ukeka ko umugabo wawe cyangwa umukunzi wawe aguca inyuma , bitewe n’uko utizeye ibikorwa bye cyangwa koko aba ari wenyine iyo mutari kumwe.

Iyo utangiye kujya umukeka ko yaba aguca inyuma bituma utangira kujya uperereza ngo umenya neza koko niba nta wundi muntu bakunda kuba bari kumwe iyo aguca inyuma.

Muri iyi nkuru nkuko dukunda kubisabwa ‘abasomyi ba Genesisbizz’ tugiye kubagezaho uburyo ushobora kumenya neza ko umugabo cyangwa umukuzi wawe aguca inyuma utiriwe wivuna ngo urebe muri telefoni ye ngendanwa.

Umuhanga mu bijyanye n’imibanire y’abashakanye akaba n’umuganga aherutse gutangariza ikinyamakuru Daily mail ko burya mu buzima bwo mu Rugo atari byiza ku bagore guhora bareba muri telefoni z’abagabo babo batabiherewe uburenganzira.

Uyu muganga yakomeje avuga ko umugore ashobora kumenya neza amakuru y’uko umugabo amuca inyuma akoresheje telefoni ye gusa iyo bimenyekanye bitera ibibazo bikomeye mu mubano wabo.

Yakomeje agira ati” Ese kuki ukora ubukwe n’umuntu udakunda? telefoni y’umugabo wawe biba byiza iyo uyihoreye rwose ntuyirebemo kuko amakuru ukuramo ntacyo ari bukumarire na kimwe kuko nk’umugore mwiza ushobora kumenya ko umugabo wawe aguca inyuma utiriwe ujya muri telephone kuko n’ubundi ibyo ukora byose ntuba witegura kujyana umugabo mu rukiko. Ese umubano wawe n’umugabo wawe si ibyawe wenyine?.

Ubusanzwe abagore bamwe na bamwe iyo bamenye ko abagabo babo babaca inyuma ntibakunda kubiceceka ahubwo baribabaza bo ubwabo kandi bakitera agahinda gakomeye kuko mu busanzwe muri iyi isi iyo umugabo amenye ko umugore we amuca inyuma ahita amwirukana, mu gihe bitandukanye cyane no ku bagore rero mukwiriye kumenya ubwenge ntimwishore mw’ihangana n’abagabo banyu kuko atari byiza ahubwo mwagakwiriye kubyirinda cyane kuko atari byiza.

Mugore mu gihe umugabo ageze mu rugo ukabona yahindutse, ukabona atacyitwara nkuko wari usanzwe umubona, nko kwanga bimwe mubyo uzi yakundaga cyane menya ko mu mubano wanyu hari ibintu bitagenda neza cyangwa atakikwiyumvamo muri make amaze kuguhaga.

Mu gihe ubonye izo mpinduka zose mugore mugendere gake cyane ugerageze kumenya ikibazo gihari hagati yanyu kandi bizakwereka ko yahindutse cyane aho kwirukira muri telephone ye kuko ashobora no kubiguhisha ntubimenye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO