Impamvu z’ingenzi zituma puwavuro zitagomba kubura ku mafunguro yawe ya buri...
- 17/02/2023 saa 08:36
Ubushakashatsi: Inkingo zo mu byiciro bitatu za Pfizer zishobora guhangana na virusi ya omicron
- by
- 9/12/2021 saa 10:09
Ubushakashatsi bwakozwe bwerekana ko inkingo zitanzwe mu byiciro bitatu za Pfizer zishobora guhangana na virusi ya omicron yihinduranyije. Ibyavuye muri ubu bushakashatsi byerekana ko izi nkingo iyo zitanzwe mu byiciro bitatu zitanga ubwirinzi bukubye inshuro 25 imbere mu mubiri, Ndetse ko inkingo zo mu byiciro bibiri zidahagije mu guhangana n’iyi virusi yihinduranyije.
Umuyobozi mukuru akaba n’umwe mu bashinze ikigo gitunganya imiti cya Pfizer, Albert Bourla yatangaje ko n’ubwo inkingo zitanzwe mu byiciro bibiri zishobora gufasha umubiri kuwurinda kuzahazwa na virusi ya omicron, N’ubundi ntizihagije.
Yakomeje avuga ko umubiri ukenera urukingo rwa gatatu kuko arirwo rushimangira ubwirinzi bw’umubiri.
Amakuru yavuye mu bushakashatsi bwakozwe n’ikigo cya Pfizer yerekanye ko inkingo eshatu za Pfizer zabashije guhangana na virusi ya omicron aho izi nkingo zafashije umubiri gukora abasirikare barinda umubiri bikubye inshuro 25.
Ikigo cya Pfizer nicyo cya mbere cyashyize hanze amakuru arebana n’uburyo inkingo zacyo zishobora guhangana na virusi nshya ya covid-19 yihinduranyije yitwa omicron.
Ibindi bigo bitandukanye byakoze inkingo za covid-19 nka Moderna na Johnson & Johnson nabyo biracyari gusuzuma uburyo inkingo zabo zihangana na covid-19 gusa ibyavuye mu bushakashatsi ntibarabitangaza.
Dr. Tedros Adhanom Ghebreyesus, umunyamabanga nshingwabikorwa w’ishami ry’umuryango w’abibumbye ryita ku buzima, ku wa gatatu dusoje yatangaje ko iyi virusi nshya ya Omicron imaze kugaragara mu bihugu 57 ndetse avuga ko byitezwe ko imibare y’ibihugu yagaragayemo izakomeza kwiyongera.
Related Articles
