Seninga wirukanwe azira ubusinzi ati “Batanze ruswa ku bakinnyi baritsindisha”

Seninga Innocent wari umutoza wa Musanze Fc nyuma yo gustindwa na Gasogi ibitego bine bikamuviramo kwirukanirwa ku kibuga yatangaje byinshi byihishe muri iyo kipe harimo n’ubusinzi.

Ku cyumweru tariki 23 Gicurasi 2021, nibwo Musanze FC yatangaje ko yirukanye Seninga Innocent nyuma y’uko yaramaze gutsindwa na Gasogi United igitego cya 4, bahita bamwirukana umukino utarangiye.

Mu butumwa Seninga yandikiye perezida wa Musanze Tuyishimire Placide yavuze ko atifuza ko yagarurwa ku mirimo ariko amusaba no gukurikirana abandi bantu bagize uruhare mu musaruro mubi wa Musanze FC barimo Team manager w’iyi kipe ndetse n’umuyobozi w’abafana.

Nyuma yo kwirukanwa Seninga nawe yatanze ubutumwa abwira umuyobozi mukuru w’ikipe ya Musanze.

Ati ”Nyakubahwa Perezida wa Musanze FC, nyuma yo gusoma Twitter ya Team yanyu yemeza isezererwa ryanjye ku mirimo nari nshinzwe, ntabwo mbasaba kungarura mukazi ariko mu rwego rwo kwirinda gusebya umukozi mukazi, ndabasaba ko mwabanza gukurikirana team manager, wahishiriye abakinnyi yasanze banywa inzoga ntabibwire ababishinzwe bikatuviramo umusaruro mubi, ndetse na Perezida w’abafana watanze ruswa kuri bamwe mu bakinnyi mbere y’umukino kugirango bitsindishe hirukanwe umutoza. Murakoze."

Ikipe ya Musanze ni imwe mu makipe akunda kuvugwamo ubusinzi by’umwihariko kuri uyu mutoza Seninga Innocent cyane ko amaze gufatwa na Police yo mu karere ka Musanze inshuro ebyiri zose yarenze ku mabwiriza yo kwirinda Covid-19 bikavugwa ko aba yanasinze.

Ntabwo ari Seninga gusa kandi uvugwaho ubusinzi muri iyi kipe kuko na rutahizamu Mutebi Rashid n’umukinnyi wo hagati usatira Mussa Ally Sova ari bamwe mu bakinnyi bavugwaho gukunda agasembuye bakinjira muri Musanze FC.

Ikibazo cya ruswa mu bakinnyi mu makipe yo mu Rwanda si ubwambere cyumvikanye kuko amakipe menshi byumwihariko abafana usanga bitana bamwana mu gutanga ruswa kubakinnyi ngo bitsindishe hirukanwe abantu runaka baba badashakwa n’uruhande rwayitanze.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO