Ubusuwisi bususuwe umuba w’ibitego busigara bureba hejuru nk’imifuka y’ishati

Mu mukino watangiye ku isaha ya saa tatu z’ijoro ikipe y’igihugu ya Portugal yacakiranaga n’Ubusuwisi bwa Granit Xhaka maze birangira ikipe y’igihugu ya Portugal inyagiye Ubusuwisi umuba w’ibitego 6-1.

Ikipe y’igihugu ya Portugal yagiye gukina uyu mukino yabanje ku ntebe Cristiano Ronaldo ndetse bituma umukinnyi wamusimbuye atsindira ikipe y’igihugu ya Portugal ibitego 2 muri uyu mukino.

Umukinnyi kandi Kepla Lima Ferreira bakunda kwita Pepe nawe ni umwe mu bahiriwe n’umukino kuko ku myaka ye 36 yashohoye gutsindira Portugal igitego cyiza cy’umutwe ndetse kuri uyu mugoroba niwe wari wambaye igitambaro cy’Ubu Kapiteni.

Kuri ubu ikipe y’igihugu ya Portugal igomba gucakirana n’ikipe y’igihugu ya Morocco mu mikino ya 1/4 nyuma y’aho Morocco isezereye Espagne kuri Penaliti 3-0.




Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO